«Золотой Караван» келешек үшін кемелдену жолында
Жамбыл облысы өзінің тарихи және табиғи ерекшелігімен еліміздің көз тартарлық туристік аймағына айналып келе жатқаны көпке белгілі. Тараз қаласының 2000 жылдық тарихы мен шаһардың бүгінгі тотыдай таранған келбеті осының анық дәлелі. Облысымызбен қатар республиканың түкпір-түкпірінен, әлемнің әр бұрышынан келетін туристерге ежелгі қаламыздың қатпар-қатпар тарихын таныстырып, балалар туризмін қоса жандандырумен айналысып келе жатқан «Золотой караван» қоғамдық қоры 2006 жылы 11 ақпанда өз жұмысын бастаған. Аталған қоғамдық қор Тараз қаласындағы жалғыз ішкә және жылжымалы туризммен айналысатын компания ретінде елге қызмет етіп келеді. Бүгінгі күні аталған бірлестікті осы саланың маманы – Альбина Веймер басқарады.
Аталған қоғамдық қор биылғы жылы мемлекеттік әлеуметтік тапсырыс шеңберінде өз тарихындағы жалғыз жобаны жеңіп алып, балаларға арналған үлкен экскурсия ұйымдастырды. Тараз қаласының тарихи орындарын аралап, ерекше сезімге бөленген балалар шағын саяхаттан соң алған әсерлері туралы шығарма, эссе жазып, суреттер салып, туристік компания тарапынан тағайындалған «ЭКСПО-2017» халықаралық мамандандырылған көрмесіне жолдама ретінде билеттер жеңіп алған.
«Золотой Караван» туристік компаниясының басшысы Альбина Фридриховна өз елінің нағыз патриоты. Оның ойынша келешекте еліміздің негізгі табыс көзі ішкі туризмнің жандануы әсерінен молая түсетін болады. Осы жолда талай жылдан бері аянбай еңбек етіп келе жатқан басшы туристік фирма үшін екі жыл бұрын үлкен алма бақ сатып алып, осы жерде келешекте отбасылық туристік базаның ірге тасын қалауды жоспарлап отыр. «Осы аймақта агротуризммен айналысып, қымызбен емделуге арналған орталық ашу – ойда жүрген жоспарымыз» — дейді Альбина Фридриховна. Агротуризм әлемде үлкен қарқынмен дамып келе жатқандықтан ата-аналар өз балаларымен бірге демалыс күндері алма баққа келіп, атқа отырып, күміс ішіп, белсенді түрде демалса ұлт болашағы жарқын болатыны белгілі.
Қоғамдық қор осы жылдан қалмай балалар туризмін қолға алып, дамытуды көздеп отыр. Қор басшысының баяндауы бойынша балалар өз туған жерінің әр тасы не жайында сыр шертететінін біліп, танымын кеңейту қажет. Әрбір тарихи орынға экскурсовод балаларды автобусқа салып әрлі-берлі құр саяхаттап жүрмей, әр орынның, ір кесененің тарихын, аңыздарын балаларға баяндап беруі тиіс. Осы орайда Елбасының «Болашаққа бағдар:рухани жаңғыру» бағдарламалық мақаласы ойға оралып, қоғамдық қордың тәуелсіз еліміздің кемел келешегі үшін қалтқысыз қызмет етіп келе жатқанын айқын аңғардық.
