Жамбыл облысы әкімінің өкімімен облыстық туризм басқармасының бастығы болып Майлыбаев Ғани Айдарұлы тағайындалды.
Ғани Майлыбаев 2004 жылы Абай атындағы Қазақ Ұлттық педагогикалық университетін (бакалавр) қаржы мамандығы бойынша, 2010 жылы осы университетті «Құқық және экономика негіздері» мамандығы бойынша тәмамдаған. Ресей
Федерациясының Президенті жанындағы Ресей халық шаруашылығы және мемлекеттік басқару академиясының «Аймақтық және муниципалды басқару» мамандығы бойынша түлегі.
Еңбек жолын 2008 жылы «Нұр Отан» партиясы Алматы қаласы Бостандық аудандық филиалының есеп және статистика секторының меңгерушісі, бас есепшісі болып бастаған.
2010 жылдан 2013 жылға дейін — «Нұр Отан» партиясының Алматы қаласы Алатау аудандық филиалының заңгер-кеңесшісі, 2013 жылдан 2014 жылға дейін — «Нұр Отан» партиясының Алматы қаласы Алатау аудандық филиалының кеңесшісі.
2014 — 2015 жылдары — «Нұр Отан» ХДП Алматы қаласы Медеу аудандық филиалы төрағасының бірінші орынбасары.
2015 — 2019 жылдары — Алматы қаласы Медеу ауданы әкімінің орынбасары.
2019 жылдың маусымынан 2020 жылдың сәуіріне дейін — Алматы қаласы Наурызбай ауданы әкімінің орынбасары қызметтерін атқарған.
Ержан Жылқыбаевпен Ғани Майлыбаев 2016 — 2019 жылдары Алматы қаласы Медеу ауданы әкімдігінде бірлесе қызмет атқарған. Ержан Жұматұлы әкім болып, Ғани Айдарұлы орынбасары болған.
