Жуалы ауданы әкімдігіне қарасты әлеуметтік қамтамасыз ету бөлімінің мәліметіне сәйкес, І-топ санатындағы мүгедектер саны -109 адам (оның ішінде 23 зейнеткер), ІІ-топ- 467 (оның ішінде 41 зейнеткер), ІІІ-топ- 779 (оның ішінде 155 зейнеткер), 18 жасқа дейінгі мүгедектер- 267 адам, барлығы 1622 адамды құрайды.
Жұмыспен қамту және әлеуметтік бағдарламалар бөлімі арқылы 2024 жылы мүгедектігі бар азаматтар мен қарттарға көрсетіліп отырған қолдау бойынша протез-ортопедиялық құралдарға 76 өтініш қабылданып, әлеуметтік портал арқылы 61 мүгедектігі бар азамат аталған құралдармен қамтылып, бұл жұмыс жалғасын табуда.
9 мүгедектігі бар азаматтан 15 сурдотехникалық құралдарға, 7 мүгедектігі бар азаматтан 22 тифлотехникалық құралдарға өтініштері қабылданып, портал арқылы аталған құралдармен 100 % қамтылды. 327 міндетті гигиеналық құралдарды қажет ететін 125 мүгедектігі бар азаматтын өтініштері қабылданып, бүгінгі күнге 286 құралдармен қамтамасыз етілді. Бұл жұмыс сәтті жалғасын табуда. 25 кресло-арбаларды қажет ететін 16 мүгедектігі бар азаматтың өтініші тіркеліп, портал арқылы аталған құралдармен 100 % қамтылды.
Санаторийлік-курорттық емделуге мүгедектігі бар адамдар мен мүгедектігі бар балалардан 225 өтініш қабылданып, оның ішінде 36 азамат шипажайларға емделіп келді. Портал арқылы 169 азамат шипажайларға тіркелді. 20 азамат өз кезегін күтуде. Медициналық-әлеуметтік мекемелерде (ұйымдарда) арнаулы әлеуметтік қызметтерді қажет ететін 9 азаматтың өтініші қабылданып, облыстық бейімдеу орталығына жолданды.
Жартылай стационардағы бейімдеу орталығында қызмет көрсетуге 17 баланың өтініші тіркеліп, мемлекеттік сатып алу қорытындысымен «Мүгедектерді әлеуметтік қорғау» Мүгедектерді қорғау бірлестігімен қызмет көрсетуге құжаттары рәсімделуде. Жүріп-тұруы қиын І топтағы мүгедектігі бар 2 азаматқа 2 жеке көмекшінің және есту кемістігі бар 17 мүгедектігі бар азаматтарға 3 ымдау тілі мамандары қызмет көрсетуде. Үйде күтім көрсетуді қажет ететін азаматтарға, яғни 85 жалғызбасты қарттар мен мүгедектігі бар азаматтарға 14 әлеуметтік қызметкерлер және 35 мүгедектігі бар балаларға 8 әлеуметтік қызметкерлер қызметтерін көрсетуде.
2024 жылы мүгедектердің өмір сапасын жақсарту және олардың белсенділіктерін арттыру мақсатында «Шапағат» корпоративтік қоры арқылы Жуалы ауданында мүгедекке инватакси қызметі жұмыс атқаруда. Осы қызметтің сапасы мен желісін кеңейту аясында атқарылған жұмыстың нәтижесінде бүгінгі күнге ауданда 51 мүгедектігі бар азаматтар 2 инватакси қызметімен қамтамасыз етілді.
Мүгедектігі бар азаматтар мен балаларға ауданда ұдайы қайырымдылық шаралары ұйымдастырылып отырады. Мереке күндерге демеушілерді ұйымдастыру арқылы сыйлықтар, азық-түліктер таратылады. Мәдени-спорттық іс-шаралар өткізіледі.
Аудан бойынша 2024 жылы «AMANAT» партиясының сайлауалды бағдарламасына сәйкес 17 әлеуметтік маңызы бар нысандар бекітілді, олардың ішінде: Теріс ауылдық ФАП, Жылыбұлақ ауылдық медициналық пункті, Куренбель ауылдық дәрігерлік амбулаториясы, Ынтымақ, Сұрым, Талапты ауылдық медициналық пункттері; Жамбыл атындағы орта мектебі, Ауезов атындағы орта мектебі, Ынтымақ орта мектебі, Пахомов атындағы орта мектебі, Майлин атындағы орта мектебі, аудандық орталық кітапхана, Қайрат ауылдық мәдениет үйі, Жаңаталап аулдық мәдениет үйі, Қызыларық ауылдық клубы, Қарасаз ауылдық спорт-сауықтыру кешені, «Азаматтарға арналған үкімет» мемлекеттік копорациясы» КЕАҚ Жамбыл облысы бойынша филиалының Халыққа қызмет көрсету бойынша Жуалы ауданының бөлімі.
Осыған байланысты аталған мекемелер басшыларына ғимараттарда мүгедектігі бар азаматтардың қолжетімділігін қамтамасыз ету үшін кедергісіз кіру жағдайларын ұйымдастыру, нормативтік талаптарды сақтау, қажетті белгілерді ауыстырып жаңалау, қаражаттың бөлінуін қадағалау туралы және методикалық нұсқаулықтар беріліп, бөлім арқылы ескерту хаттар үнемі жолданады.
Бүгінгі таңда аймақта мүмкіндігіні шектеулі ерекше азаматтар мен денсаулығында қандай да бір мәселесі бар жандарға қолайлы орта қалыптастыру мақсатында жүйелі жұмыстар жүргізіліп жатқанын толық сеніммен айта аламыз.
Мақала Жамбыл облысы әкімдігі ішкі саясат басқармасының ақпараттық саясаты тапсырысы негізінде жарияланды
