2021 жылдың 17 қарашасында 38 метр/сек жылдамдықпен дауылды жел соқты.
Қала бойынша 18 көпқабатты тұрғын үйдің 5-200 шаршы метр және 16 мектеп, 4 бөбекжай-бақшаның 50-300 шаршы метр шатырлары және 4 балабақшаның қоршауы зақымдалды.
Қала көшелерінде 18 электр бағанасы құласа, 1,5 шақырым электр желілері үзілді.
Жылу беруші кәсіпорындардағы 5 кіші қазандықта электр желілерінің зақымдалуына байланысты, жылу беру уақытша тоқтатылды.
Қала көшелерінде 45-тен аса үлкенді-кішілі талдар, 12 аялдама құласа, 32 бағдаршам істен шықты.
Қала бойынша 34 билборд, 9 пилонның баннерлері мен 64 жалауша жыртылып, зақымдалды. Пилондардың 2 дана конструкциясы мен 4 билбордтын конструкциялары кұлады.
Сонымен қатар, Тастақ, Кірпіш зауыт, Қызыл-Абад, Көлтоған алқаптарында, Желтоқсан-Қонаев көшелерінің қиылысында, Әйтеке би көшесі №11 үйдің маңындағы 6 спорт алаңшаларының қоршаулары мен төсенділері зақымдалған.
Барлық мектептердегі оқушылар сағат 10.00-де үйлеріне қайтарылып, оқу процессі онлайн жүйеге ауыстырылды.
Қазіргі таңда құлаған ағаштарды кесу және аумағын тазалау жұмыстарына «Жасыл Ел-Тараз» ЖШС-мен 6 бригада тартылып, жұмыстар атқарылуда.
Электр жүйелерін қалпына келтіру жұмыстарына «ЖЭС» ЖШС мен Тараз қалалық электр жүйесі тарапынан 21 бригада жұмылдырылып, қайта қосу жұмыстары жүргізілуде.
Газ желілерінің зақымдалуы орын алған жоқ, қалаға газ тұрақты берілуде.
Барлық коммуналдық кәсіпорындар мен мекемелер күшейтілген режимде жұмыс жасауда.
Ауруханаға 28 адам қайтырылды, оның 24-і алғашқы медициналық көмек алып, үйіне қайтарылды, 4 адам ауруханада ем қабылдауда (орташа жарақат)
2 бала (2009 және 2010 жылы туылған) ауруханада ем қабылдауда.
Тараз қаласы әкімдігі