2021 жылдың 17 желтоқсанында Жамбыл облысы Төтенше жағдайлар департаментінің Өрт сөндіру және авариялық-құтқару жұмыстары қызметінің Тараз қалалық №4 Өрт сөндіру бөлімімен Тараз қаласындағы «Орталық базар» сауда орталығында шартты өртті сөндіру бойынша өрт-тактикалық оқу- жаттығу өткізілді. Аталған оқу-жаттығуға Өрт сөндіру қызметі бастығының орынбасары, азаматтық қорғау полковнигі Мейіржан Көпбосынұлы Айманов басшылық етті.
Жаттығуға Тараз қаласы гарнизонының өртке қарсы қызмет бөлімшелері мен кезекшілік өрт сөндіру қызметінің мамандары, сондай-ақ Өрт сөндіру мекемесінің басқарма қызметкерлері және Жедел жәрдем медициналық қызметі тартылды.
Жаттығуға Өрт сөндіру мекемесінен 4 дана өрт сөндіру техникасы мен 25 адам жеке құрам қатысты. Өрт-тактикалық оқу-жаттығудың негізгі мақсаты, аталған нысандағы шартты өрт сөндіруді ұйымдастыру мен жүргізу барысында кездесуі ықтимал мәселелерді аға, басшы және қатардағы жеке құрамымен тәжірибелік тұрғыдан машықтау, сонымен қатар өртке қарсы қызмет бөлімшелерінің қаланың өзге де қызметтерімен және нысан тұлғаларымен өзара әрекеттестікті машықтау болып табылды. Сонымен қатар техника қауіпсіздігін сақтау мәселелері де қамтылды.
Жаттығу ойламасы бойынша өрт «Орталық базар» сауда орталығының ет павильоны сауда орнындағы тұрмыстық техникаллардың электр сымдарының қысқа тұйықталуынан орын алған.
Бірыңғай кезекшілік бағыттаушылық қызметінің бағыттаушысы №2 жоғарғы шақырту бойынша шартты өртке Тараз қаласы гарнизонының өртке қарсы қызметінің күштері мен құралдарын жөнелтті.
Ал қалалық өртке қарсы қызмет гарнизонының жеке құрамы келіп жеткенге дейін сауда орталығының персоналдарымен хабарландыру, құлақтандыру жүйелерінің жұмысы, адамдарды қауіпсіз аумаққа көшіру, алғашқы өрт сөндіру әрекеттерін жүргізу шаралары пысықталды. Мемлекеттік өртке қарсы қызметінің күштері мен құралдары да көп ұзамай оқиға орнына келіп жетті. Оқиға орнында өрт сөндіру штабының жұмысы ұйымдастырылып және 2 жауынгерлік участок құрылды. Барлығы өрт сөндіруге 3 «Б» оқпаны және 1 лафетті оқпандары қолданылды.
Шартты өрт алаңы 60 шаршы метрді құраған. Нәтижесінде бөлімшелер алдына қойылған тапсырмаларды тиістің деңгейде орындап, шартты өрт дер кезінде сөндірілді.
Жаттығу соңында Жамбыл облысы ТЖД Өрт сөндіру және авариялық- құтқару жұмыстары қызметі бастығының орынбасары азаматтық қорғау полковнигі Меиржан Көпбосынұлы Айманов жеке құраммен жаттығудың нәтижесін талқылап, ескертулер мен кемшіліктер жан-жақты қарастырылды. Айта кеткен жөн, мұндай бағыттағы оқу-жаттығулар Тараз қаласындағы өзге сауда орындарында да өткізілуі жоспарланған.
Жамбыл облысы ТЖД Өрт сөндіру және авариялық-құтқару жұмыстары
қызметінің Қоғаммен байланыс тобы
