ҚР Сыбайлас жемқорлыққа қарсы іс-қимыл агентігінің Жамбыл облысы бойынша Департамент өкілдері ҚР Мемлекеттік басқару академиясының облыстық филиалы базасында «Жас мемлекеттік қызметшілер мектебінің» студенттеріне сыбайлас жемқорлыққа қарсы мәдениетті қалыптастыру бойынша оқыту семинарын өткізді.Бұл туралы Turaninfo.kz ақпараттық агенттігі хабарлайды.
Жиында сыбайлас жемқорлыққа қарсы іс-қимыл саласындағы негізгі стратегиялық құжаттар мен құқықтық актілердің негізгі ережелері, сыбайлас жемқорлықтың салдары, елімізде жүргізіліп жатқан сыбайлас жемқорлыққа қарсы реформалар түсіндірілген.
Дәурен Омаров өз сөзінде бүгінгі таңда әрбір азаматтың мемлекеттік қызметке кіруге мүмкіндігі бар екенін атап өтіп. Мемлекеттік қызметті таңдағанда, басты мақсат – халыққа мінсіз қызмет ету екенін ұмытпау керек екенін айтқан.
«Жас мемлекеттік қызметшілер мектебі» білімді жастар мен мемлекеттік аппараттың өзара әрекеттесу алаңы болып табылады, оның миссиясы мемлекеттік қызмет үшін жоғары білікті, құзыретті, болашағы зор кадрлар даярлау болып табылады, мұнда кәсіби мемлекетті қалыптастыру басты фактор болып табылады.
«Мемлекеттік қызметшілердің кәсіби аппаратын қалыптастыру үшін біз бүгіннің өзінде студенттерге ұдайы түсіндіріп, ынталандырып, таңдауын жасауға көмектесуіміз керек. Бүгінгі таңда мемлекеттік қызметке үлес қосқысы келетін абыройлы, адал қызметкерлерді тәрбиелеу басты мақсат», – деді ҚР Сыбайлас жемқорлыққа қарсы іс-қимыл Агенттігінің Жамбыл облысы бойынша Департаментінің басқарма басшысы Дәурен Омаров.
