“Суармалы су тапшылығы, құрғақшылық салдарынан зардап шеккен 358 ауыл шаруашылығы тауарын өндірушіге елдің төтенше резервінен олардың шығынын өтеп беру үшін 2,7 млрд. теңге мөлшерінде өтемақы қаралды. Өтемақы ұсынылған құжаттар және арнайы комиссияның зардап шеккен нысандарды кешенді зерделеуі негізінде төленді” деп айтты Жамбыл облысы әкімінің орынбасары Қанатбек Мәдібек.
Арнайы комиссия зардап шеккен ауыл шаруашылығы нысандарын аралап, шаруалардың ұсынған растайтын құжаттары бойынша өтемақы төленетін тізімге 358 шаруа қожалығы енді. Оларға төтенше резервтен 2,7 млрд. теңге өтелді.
“Атап айтқанда, Жамбыл ауданынан алты шаруа қожалығы тиісті құжаттарды ұсынбаған. Байзақтық екі шаруа өтемақы алудан бас тартса, Меркі және Байзақ ауданының үш шаруа қожалығы субсидиялар бөлінген дақылдардан басқа дақыл түріне субсидия беруді талап еткен. Бұл ретте өзге дақылдар бойынша субсидия алынған. Сонымен қатар, қордайлық тоғыз, байзақтық төрт шаруа қожалық талаптарға сай келмеуі, яғни, жерге меншік құқығын растайтын құжаттардың болмауына байланысты өтемақыға қол жеткізе алмады. Арнайы комиссия Меркі және Т.Рысқұлов ауданының 6 шаруа қожалығына өз ұңғымаларының болуы себебінен және Талас ауданының 1 шаруашылығына «Қазсушар» РМК-мен келісім шарттың болмауына байланысты өтемақы беруден бас тартты” деп мәлім етті Қанатбек Мәдібек.
Әкім орынбасары әкімдік алдына келген шаруалардың мәселесін туралы білдік.
Мәдібектің айтуынша, жалпы ол кісілердің айтып жүргені осы мына төлем жасауға берілген қаражаттың шеңберінде ол кісілердің де шығарған шығындарын төлеп беру жөнінде өздерінің уәждерін айтуда, бірақ біз кейінгі жасалған талдаулар нәтижесі бойынша соған келген шаруалардың барлығына ол судың зардабынан емес екендігін біздің әріптестеріміз бізге тиісті ресми құжатпен беріп отыр. Өйткені, келген шаруалар біріншіден судың басында болған сол кісілердің орналасқан егіс алқаптары судың басында су жетпей су жетпейді деп айтуға келмейді. Екіншіден, кейбір сол кездегі шаруалардың суару маусымы кезінде 3 мәрте су алған. Үшіншіден, егістікте кім қанша кісілер центнерден алғаны туралы бізде мәлімет жоқ дей тұрғанмен тисті құс шаруашылығымен айналысымен айналысатын шаруаларға 25 мыңның көлемінде жүгерісін өткізген деп жауап берді Қанатбек Қайшыбекұлы.
