Бастауыш сынып оқушыларының математикалық қабілеттерін айқындау, қолдау және білімдерін тереңдету мақсатында ұйымдастырылған олимпиадаға 2-4 сынып оқушылары арасындағы бұл додада жамбылдық оқушылар нағыз білім бәйгесін көрсетті. Еліміздің түкпір-түкпірінен 2600-ден астам ең үздік оқушылар қатысты. Жамбыл облысының намысын 2 топтан құралған 6 оқушы қорғап қайтты.
Олимпиаданың республикалық кезеңі 3 тур бойынша өтті.
• 1 тур – «Әу, баста» (командалық есеп);
• 2 тур – «Көкпар» (командалық есеп);
• 3 тур – «Математикалық бәйге» (ауызша жеке есеп).
Олимпиада қорытындысы бойынша жеке және командалық есепте жеңімпаздар мен жүлдегерлер анықталды. Біздің кішкентай дарындыларымыз білім додасында Жамбыл облысының намысын биікке көтерді. Нәтижесінде командалық есепте – Жамбыл облысы, Тараз қаласы Ы.Алтынсарин атындағы №49 мектеп-гимназиясы, Қ.Тұрысов атындағы №53 мектеп-гимназиясы, № 40 гимназиясының 2, 3, 4 сынып оқушысынан құралған «Қазақ» тобы ІІ орынды иеленді.
Жеке сайыс бойынша ҚР Оқу-ағарту министрлігінің ІІ дәрежелі дипломын – 2 оқушы, ІІІ дәрежелі дипломын — 1 оқушы иеленді және терең білімімен ерекшеленгені үшін 1 оқушы грамотамен марапатталды.
ІІ дәрежелі диплом иегерілеріі:
Иманбай Али — Тараз қаласы, Қ.Тұрысов атындағы №53 мектеп-гимназиясының 3 сынып оқушысы;
Талғат Амина — Тараз қаласы, Ы.Алтынсарин атындағы №49 мектеп-гимназиясының 4 сынып оқушысы;
ІІІ дәрежелі диплом иегерлері:
Нұрғали Алихан — Тараз қаласы, А.Пушкин атындағы №41 гимназиясының 4 сынып оқушысы;
Османов Ихсан — Тараз қаласы, №40 гимназиясының 2 сынып оқушысы;
