Қайтарымсыз қаржы — қайырлы грант. Жамбылда жарты жыл ішінде 3,5 мың адам қайтарымсыз қаржы алды. Қаржы ауқымы 2 млрд.теңге. Бұл туралы бүгін ӨКҚ ақпарат алаңында облыстық экономика және бюджеттік жоспарлау басқармасының басшысы Гүлдана Жауынбекова айтты. 3,5 мың адам 2 млрд. теңгеге қайтарымсыз грант алды. «Еңбек» бағдарламасы аясында 591 кәсіпкерге 2,5 млрд.теңгеге шағын несие берілді.
Жылдық жоспар бойыншаша биыл 1 238 кәсіпкер 6,1 млрд.тг беріледі. Ал «Жұмыспен қамтудың жол картасымен кәсіпкерлерлік бастамаларды іске асыруға 1,9 млрд. теңге шағын несие қаралды. «Бизнестің жол картасы — 2025» бағдарламасы аясында 982 кәсіпкердің несиесін ішінара кепілдендіруге 1,8 млрд.теңге, 1079 кәсіпкердің несиесінің пайыздық мөлшерлемесін субсидиялауға 4,7 млрд.теңге берілді — деді Г.Жауынбекова.
Бизнес секторына бөлінген көңіл мен берілген қаржы да жаман емес. Кәсіпкерлерге жалпы 8 млрд.теңге шағын несие қаралып, 3,1 млрд.теңгесі игерілген.
Спикер тұрғындар табиғи отыннан тарықпайтынын да атап өтті. Биыл 20 елді мекендегі 16 мың адам табиғи газбен қамтылып, үлесі 83,8%-ға жетпек. Қорытындысында 257 елді мекендегі 953 мың адам газбен қамтылмақ. Аймақ тұрғындары тіршілік нәрінен тарықпайды, — деді брифинг қонағы. Биыл тағы 12 ауылдық елді мекенге су құбыры жүргізіліп, қамтылу деңгейі 82,2%-дан 88,7%-ға дейін артпақ. Яғни 44 мың адам суға қол жеткізбек. Жалпы нәтижеде 264 ауылды елді мекендегі (71,9%), 607 мың адам (88,7%) ауыз суға қол жеткізеді деген сөз.
Айта кетейік, биыл Жамбылда жарты жылда экономикалық өсім 5,4%-ды құраған. 288,1 мың шаршы метр тұрғын үй пайдалануға беріліп, 14,9%-ға артқан. Ал 160,8 млрд.теңге инвестиция тартылып, 12,2%-ға ұлғайды. Инфляция деңгейі 104,6% десек, жұмыссыздық деңгейі — 4,9%. Тағы бір айта кететіні — Жамбыл облысында 2025 жылға дейін 2,9 трлн.теңгені құрайтын 107 инвестициялық жоба іске асырылмақ.
