Алқа мәжілісінде Жамбыл облысы әкімдігінің ақпарата және қоғамдық даму басқармасы басшысының міндетін атқарушысы Құралай Өскембекова, облыс әкімдігінің мәдениет және тілдерді дамыту басқармасының басшысы Ерлан Жүнісбай, облыс әкімдігінің дін істері басқармасының басшысы Сәкен Мыңбаев 2024 жылдың қорытындысы бойынша есеп берді
«Облыста 81 бұқаралық ақпарат құралдарының 45-і баспа басылымы, 3-і телеарна, 33-і ақпараттық агенттік. Өткен жылы мемлекеттік ақпараттық тапсырысты 54 БАҚ орындады. 28 – республикалық БАҚ (52%), 26 – жергілікті БАҚ (48%).Ағымдағы жылы «Тектұрмас» әдеби-мәдени, ғылыми, тарихи танымдық журналын шығару көзделіп, тұсаукесер рәсіміне дайындық жұмыстары жүргізілуде.Сонымен бірге, бізде Қордай ауданы Қырғыз еліне жақын орналасқандықтан мемлекеттік телеарналардың көрсетілмеуіне байланысты қазіргі уақытта «Taraz24» арнасының филиалы «Қордай 24» телеарнасын ашу жоспарланып отыр» деді Құралай Өскембекова.
Жүнісбай облыс көлемінде халыққа мәдени қызмет көрсетіп отырған 504 мәдени мекеменің және рухани, ақпараттық білім беру орталығы болып саналатын облыстағы 275 мемлекеттік кітапханалардың жұмысы бойынша көрсеткіштерге тоқталды. Ерекше атап өтерлігі, облыс әкімі Ербол Қарашөкеевтің бастамасымен 2025 жыл Жамбыл облысында кітап оқу жылы деп жарияланып, «Әулиеата — кітап оқитын өңір» жобасы 5 қаңтар күні бастау алды. Жоба аясында жыл ішінде облыс халқын кітап оқуға тарту бағытында бірқатар іс-шаралар жоспарланып отыр.
«Биыл маусым айында дәстүрлі түрде К.Касенов атындағы Халықаралық балалар фестивалі өтеді. Қазан айында А.Тоқпановтың 110 жылдығы және Жамбыл облыстық қазақ драма театрының 90 жылдығына арналған республикалық театр фестивалін өткізуді жоспарлап отырмыз», — деді Ерлан Нұрманұлы.
Жиын барысында «Қоғамдық келісім» мекемесінің директоры Мубарак Жинақбаева, «Шерхан Мұртаза атындағы баспасөз үйі (Өңірлік коммуникациялар қызметі)» мекемесі директоры Алмат Сәдуақас, Облыстық «Жастар ресурстық орталығының» директоры Айбек Кадралиев, Облыстық халық шығармашылығы орталығының директоры Ғани Садырбаев, Ш.Уәлиханов атындағы Жамбыл облыстық кітапханасының басшысы Эльмира Абдинова, Ш.Мұртаза атындағы руханият және тарихтану орталығының басшысы Жасұлан Әбдіманап, Тарихи-мәдени ескерткіштерді қорғау және қалпына келтіру дирекциясы мекемесінің басшысы Сауран Қалиев баяндама жасап, жүзеге асқан жұмыстар бойынша ақпарттармен бөлісті.
