Ел Тәуелсіздігінің 30 жылдығына орай Жамбыл ауданындағы екі ауылда тұрғын үй салуға жер телімдері берілді. Тұрғындардың қуанышын бөлісуге аудан әкімі Сәкен Арубаев пен аудандық Қоғамдық кеңестің төрағасы Рүстем Бегалиев арнайы барып, кезекте тұрған азаматтарға жер комиссиясының оң қорытындысы жарияланған құжаттарды табыстады. Олардың алды 2007 жылдан бастап жер кезегіне тіркелген. Айтулы датаға орай Бектөбе ауылында 143 азаматқа, Қызылқайнар ауылында 222 тұрғынға баспана салуға жер телімі үлестірілді. Жалпы ауданда 11 мыңнан астам тұрғын жер кезегіне тіркелген. Жұртшылықты жер телімімен қамту мақсатында «Нұрлы жер» бағдарламасы аясында 2,2 млрд теңге бөлініп, 7 елді мекенде 1882 жер телімін беру үшін инфроқұрылымдық-инженерлік желілерді тарту жұмыстары қызу жүргізілді.
Өңірлік коммуникациялар қызметі
