Жамбыл облысы Төтенше жағдайлар департаменті Өрт сөндіру және авариялық-құтқару жұмыстары қызметінің күштері мен құралдары демалыс күндері: 4 рет – өрттерге, 3 рет – жануларға, 5 рет – есіктерді ашуға және 1 рет авариялық-құтқару жұмыстарына шықты.
Ағымдағы жылдың 25 желтоқсанында Тараз қаласының шағын ауданындағы пәтерлердің бірінде 3 және 4 жастағы балалар үй ішінде құлыптанып қалған. Ата-аналардың шақыруы бойынша оқиға орнына жасақ құтқарушылары шұғыл жетіп, есіктерін ашып берген. 26 күні құтқарушылар көшеде кілтін жоғалтқан мүгедек жанға көмек қолын созған. Олар тез арада шақырту орнына келіп, әлгі кісіге пәтеріне кіруіне көмектесті.
25 желтоқсаны күні 17 сағат 41 минутта Байзақ ауданы, Ақшолақ ауылындағы тұрғын үйлердің бірінің аумағында шөп өртенгендігі туралы хабарлама келіп түскен. Оқиға орнына жедел №8 өрт сөндіру бөлімінің күштері мен құралдары жөнелтілді. Өрт сөндірушілердің кәсіби және жедел әрекеттерінің арқасында жақын орналасқан ғимараттар мен тұрғын үй-жайлар өрттен құтқарылды. Өрт салдарынан 1500 түк шөп жойылды. Қазіргі таңда өрттің шығу себебі мен келтірілген материалдық шығыны анықталуда. Қаза болғандар мен зардап шеккендер жоқ.
27 желтоқсанында 3 сағат 20 минутта Байзақ ауданы Сарыкемер ауылы көшелерінің біріндегі үйдің шатыры өртенді. Оқиға орнына №8 өрт сөндіру бөлімінің өрт сөндірушілері жедел шығып, қалыптасқан жағдайды тез бағалап, өртті қысқа мерзімде жоя алды. Өрт салдарынан шатыр мен ас үй жартылай зардап шекті. Өрттің жалпы ауданы 100 шаршы метрді құрады. Қаза болғандар мен зардап шеккендер жоқ.
