Қазақстан Республикасы Еңбек және халықты әлеуметтік қорғау министрлігі тарапынан 2024 жылға барлығы 3660 шетел мамандарына квота белгіленген.
Атап айтқанда, 1 санат бойынша – 53 адамға (бірінші басшылар және олардың орынбасарлары), 2 санат бойынша – 546 адамға (құрылымдық бөлімшелердің басшылары), 3 санат бойынша – 1848 адамға (мамандар),4 санат бойынша – 1193 адамға (білікті жұмысшылар), 5 санат бойынша – 20 адамға (маусымдық жұмыстарға).
2024 жылдың 1 мамырындағы мәліметке сүйенсек, Жамбыл облысы бойынша 25 жұмыс берушіде берілген рұқсаттарға сәйкес 790 шетел азаматтары жұмыс істеп жатыр. Атап айтқанда, Қытайдан – 705, Түркиядан –59, Өзбекстаннан – 6, Украинадан – 5, Франциядан – 3, Грекиядан – 2, Үндістаннан – 2, Корея Республикасынан – 1, АҚШ-нан – 2, Ираннан – 1, Гвинеядан-1 адам, Йеменнен – 1, Мавританиядан – 1, Сингапурдан — 1 ), оның ішінде 1-санат бойынша – 6 адам, 2-санат бойынша – 48 адам, 3-санат бойынша – 176 адам, маусымдық жұмысшылар – 6 адам, 4 –санат бойынша-27 адам, корпоративішілік ауыстыру шеңберінде – 527 адам (квотаға кірмейді).
Жыл басынан бері жұмыс берушілермен Қазақстан Республикасына шетелдік жұмыс күшін тартуға рұқсатты бергені және (немесе) ұзартқаны үшін алым мөлшерлемелеріне сәйкес барлығы 177,9 млн.теңге салық төленді.
Облыс аумағына шетелден келген мамандар ішкі еңбек нарығында сұранысқа ие мамандықтар бойынша тартылуда. Олардың негізгілері: сапа жөніндегі инженер, инженер-энергетик, инженер-электроник, жабдықтарды жинақтау жөніндегі инженер, инженер-механик, жөндеу және сынақтан өткізу жөніндегі инженер, инженер-жобалаушы, метрология бойынша инженер, электржабдықтарын жөндеу және бақылау жөніндегі электромонтер және т.б. мамандықтар.
