Ағымдағы жылдың 1 мамырында 19 сағат 18 минутта Жамбыл облысы ТЖД Өрт сөндіру және авариялық-құтқару жұмыстары қызметінің күштері мен құралдарын жедел басқару орталығының 112 телефон нөміріне көмек сұраған қоңырау түсті. Оқиға орнына 4 адамнан тұратын жедел-құтқару жасағының құтқарушылары шұғыл жөнелтілді. Оқиға орнына келген құтқарушылар су шлюзіне түсіп, қайтадан кері шыға алмай қалған 2012 жылы туылған баланы тауып, сыртқа шығарды. Жасақтың құтқарушысы Кенжегараев Азамат альпинистік құралдардың көмегімен төменге түсіп, баланың жоғары көтерілуіне көмектесті. Құтқарылған бала полиция қызметкерлеріне тапсырылды. Айта кетерлік жайт бала медициналық көмекті қажет етпеді.
Осылайша, жасақ құтқарушылары тағы бір адамның өмірін сақтап қалды. Жамбыл облысы ТЖД құтқарушылары, ата-аналарды балаларын қадағалауды сұрайды тұрғындарға алдағы шомылу маусымы кезінде барлық тәртіп ережелерін сақтау қажеттігін, ал төтенше жағдай туындағанда жедел түрде 112 немесе 101нөмірлері бойынша хабарлау қажеттігін ескертеді.
