Қазақстан Республикасы Бас мемлекеттік санитариялық дәрігерінің2021 жылғы 10 қыркүйектегі №42 «Карантиндік шектеу шаралары және оларды кезең-кезеңмен жеңілдету туралы» қаулысына сәйкес, 2021 жылғы 14-қыркүйекте «Жамбыл облысының халқы арасында COVID-19 коронавирустық инфекциясы бойынша карантиндік шектеу шаралары және оларды кезең-кезеңімен жеңілдету туралы» Жамбыл облысының Бас мемлекеттік санитариялық дәрігерінің № 13 қаулысы шықты.
Демалыс күндері барлық әлеуметтік-экономикалық объектілердің жұмысына, қызметкерлер мен келушілердің жасыл мәртебесі болған жағдайда Ashyq жобасына қатысатындар — сағат 00.00-ге дейін, Ashyq жобасы көшбасшыларының жобасына қатысатындар — сағат 02.00-ге дейін рұқсат берілді, сондай-ақ, жұмыс күндері — барлық бизнес объектілерінің жұмыс істеуіне рұқсат етіледі.
«Жасыл мәртебе» болуға қойылатын талап облысаралық және облысішілік тұрақты тасымалға, отельдерге, қонақ үйлерге, білім беру объектілеріне, ЖОО, колледждерге, интернаттарға, білім беру ұйымдарының жатақханаларына қолданылмайды.
Мейрамхана, кафе және кофеханалар типіндегі қоғамдық тамақтану объектілері (үй — жайда) 60-тан аспайтын орын, толымдылығы 50% — ға дейін, еске алу шараларын өткізу үшін -50 адамнан аспайтын орын, толымдылығы 30%-ға дейн, бірақ Ashyq жобасына қатысатын сағат 00.00-ге дейін, Ashyq жобасының көшбасшылары — сағат 02.00-ге дейін жұмыс істейді.
Азық-түлік, азық-түлік емес базарларға, сауда-ойын-сауық орталығы, сауда үйлері, сауда желісі объектілеріне аптаның барлық күндерінде жұмыс істеуге рұқсат берілді (осыған дейін жексенбіде жұмысын тоқтата отырып, барлық күндері жұмыс істеген).
Діни бірлестіктердің объектілеріне (мешіттер, шіркеулер, соборлар, синагогалар және т.б.) 30%-дан асырмай толтырылған, бір адамға кемінде 4 ш.м. алаң қамтамасыз етілген жағдайда ұжымдық ғибадат етуге рұқсат берілді (осыған дейін жабық үй-жайларда ұжымдық іс-шаралар өткізуге тыйым салынған).
Сауналар, моншалар, СПА-орталықтары, бассейндер, спорт кешендері, спорттық-сауықтыру, фитнес, йога орталықтары аптаның барлық күндері жұмыс істейді (осыған дейін жексенбіде жұмысын тоқтата отырып, барлық күндері жұмыс істеген).
Осы қаулы қол қойылған күннен бастап күшіне енеді және оның ресми күші жойылғанға дейін қолданылады.
Жамбыл облысы Санитариялық-эпидемиологиялық бақылау департаменті халықты санитарлық ережелер мен республикалық, облыстық Бас мемлекеттік санитариялық дәрігерлердің қаулыларының барлық талаптарын сақтауға шақырады.
Жамбыл облысының Санитариялық-эпидемиологиялық бақылау департаменті
