Ағымдағы жылдың 18 наурызында Әдеп жөніндегі кеңестің мәжілісі өткізіліп, онда 13 мәселе қаралды, оның ішінде 6 тәртіптік іс.
Атап айтқанда, заңды тұлғаларға құқыққа сыйымсыз қолдау көрсетуі сипатындағы мемлекеттік қызметке кір келтіретін тәртіптік теріс қылықтар жасағаны, яғни мемлекеттік сатып алу шарттары және жобалық-сметалық құжаттамаларымен көзделген жұмыстар атқарылмағандығына қарамастан, мердігерлерге қаражатты аудару фактілері бойынша Жамбыл ауданы әкімдігінің сәулет, қала құрылысы және құрылыс бөлімінің басшысы К.А.Тилеубаевқа және Т.Рысқұлов ауданы Жаңатұрмыс ауылдық округінің әкімі Н.М.Жамалбековке қатысты қозғалған тәртіптік істер қаралды.
Тәртіптік істерді қарау нәтижесінде, Әдеп жөніндегі кеңеспен Жамбыл және Т.Рысқұлов аудандарының әкімдеріне аталған қызметшілерге «қызметіне толық сәйкес еместігі туралы ескерту» түріндегі тәртіптік
жазаларды қолдану ұсынылды.
Сонымен бірге, Сарысу ауданы әкімінің м.а. О.Т.Көкейге мемлекеттік қызметке кір келтіретін тәртіптік теріс қылық жасағаны үшін, Сарысу ауданы әкімдігінің тұрғын үй-коммуналдық шаруашылығы, жолаушылар көлігі, автомобиль жолдары және тұрғын үй инспекциясының басшысы Е.Б.Бейсенбековты «атқаратын мемлекеттік лауазымынан шығару» түріндегі тәртіптік жазаға тарту ұсынылды.
Жамбыл облысы бойынша Мемлекеттік кірістер департаментінің басшысына мемлекеттік қызметке кір келтіретін тәртіптік теріс қылық жасағаны үшін, Жамбыл ауданы бойынша Мемлекеттік кірістер басқармасы
басшысының орынбасары Б.Е.Куандыковқа «қызметіне толық сәйкес еместігі туралы ескерту» түріндегі тәртіптік жазаны қолдану ұсынылды.
Сонымен қатар, мемлекеттік қызметшілірінің әдеп кодексінің талаптарын сақтамағаны бойынша Тараз қаласы әкімдігінің дене шынықтыру және спорт бөлімінің басшысы О.В.Борисюкке және Жамбыл облысы бойынша Көліктік бақылау инспекциясы басшысының орынбасары Т.А.Мукушовқа қатысты қозғалған тәртіптік істер қаралды. Нәтижесінде, Әдеп жөніндегі кеңеспен аталған қызметшілерге «ескерту» түріндегі тәртіптік жазаларды қолдану ұсынылды.
Бұдан бөлек, Байзақ ауданы жергілікті атқарушы органдарының сыбайлас жемқорлық құқық бұзушылықтарды және мемлекеттік қызметшілердің әдеп нормаларын бұзудың алдын алуға бағытталған шаралары туралы аудан әкімі Н.М.Нұржігітовтың есебі тыңдалды.
Нәтижесінде, Әдеп жөніндегі кеңеспен аталған бағытта жұмысты күшейту жөнінде ұсынымдар енгізілді.
Одан басқа, Жамбыл ауданы әкімдігінің жер қатынастары бөлімінің қызметінде сыбайлас жемқорлық тәуекелдерін талдау қорытындылары қаралды.
Сонымен бірге, бірқатар мемлекеттік органдарының лауазымды тұлғаларының есептері тыңдалды:
— Тараз қаласы әкімі аппаратының тәртіптік комиссиясымен 2020 жылдың қорытындысы мен 2021 жылдың өткен кезеңінде атқарылған жұмыстар туралы;
— Жамбыл облысы бойынша Мемлекеттік кірістер департаментінің Әдеп жөніндегі уәкілінің 2020 жылдың қорытындысы мен 2021 жылдың өткен кезеңінде атқарған жұмыстарының нәтижелері туралы;
— Жуалы ауданы әкімі аппаратының Әдеп жөніндегі уәкілінің 2020 жылдың қорытындысы мен 2021 жылдың өткен кезеңінде атқарған жұмыстарының нәтижелері туралы;
— Сарысу ауданы әкімдігінің тұрғын үй-коммуналдық шаруашылығы, жолаушылар көлігі, автомобиль жолдары және тұрғын үй инспекциясы, сондай-ақ сәулет, қала құрылысы және құрылыс бөлімдерінің қызметіне мемлекеттік көрсетілетін қызметтер саласындағы заңнаманың сақталуына жүргізілген профилактикалық бақылау мен қадағалаудың нәтижелері бойынша атқарылған жұмыстары туралы.
Қарау нәтижелері бойынша Әдеп жөніндегі кеңеспен аталған мемлекеттік органдарға тиісті ұсынымдар енгізілді.
