Ағымдағы жылдың 12 наурызында Жамбыл облысының прокуратурасында қылмыстық-атқару жүйесі мекемелерінде жазаны орындау мәселелері бойынша заңдылықты, құқықтық тәртіпті және қылмысқа қарсы күресті қамтамасыз ету жөніндегі Үйлестіру кеңесінің отырысы өтті.
Іс-шараға қылмыстық-атқару жүйесі Комитеті төрағасының орынбасары М.А Аюбаев, Жамбыл облысы әкімінің бірінші орынбасары Б.С. Орынбеков, құқық қорғау және арнайы органдардың басшылары қатысты.
Жиын барысында түзеу мекемелерінде жазаны өтеу тәртібі мен заңдылығының сақталуы бойынша проблемалар мен кемшіліктер, сондай-ақ мекеме қызметкерлері тарапынан сыбайлас жемқорлық көріністері атап көрсетілді.
Облыс прокуроры барлық құқық қорғау және жергілікті атқарушы органдарының өзара іс-әрекетін, сотталғандардың конституциялық құқықтарын, орта, техникалық және кәсіптік білім алу кезінде заңдылықтың сақталуын қамтамасыз етуді талап етті.
Бұл ретте пенитенциарлық саланың негізгі мәселелері сотталғандарды жұмыс орындары және ақылы еңбекпен қамтамасыз ету болып табылатындығы, бұл оларға келтірілген залалды өтеуге мүмкіндік беретіндігі көрсетілді.
Осы проблемалардың тиімді шешімі, түзеу мекемелердегі бос тұрған өндірістік алаңдарға кәсіпкерлік субъектілерін тарту болып табылады.
Жазаны жеңілдету және оның орындалуын өзгерту туралы өтінішті қарау кезінде заңдылықты қамтамасыз ету қажеттілігі жөнінде атап өтілді.
Отырыс қорытындысы бойынша қылмыстық-атқару жүйесі Комитетіне заңдылықты бұзушылықты жою туралы ұсыныс енгізу ұсынылды.
Жамбыл облыс прокуратурасы
