Ағымдағы жылдың 31 наурызында Қазақстан Республикасы Төтенше жағдайлар министрлігінің салауатты өмір салтын қалыптасыру және аурулардың профилактикасы жөніндегі 2021-2023 жылдарға арналған іс-шаралар жоспарына сәйкес Жамбыл облысы ТЖД Өрт сөндіру және авариялық-құтқару қызметінің
оқу сыныбында от жауынгерлерімен «салауатты өмір салтын сақтайық» тақырыбында семинар өткізілді. Аталған шараға Жамбыл облысы Фтизиопульмонология орталығының және Салауатты өмір салтын қалыптастыру орталығының мамандары арнайы қонақ ретінде шақырылды. Қызмет бастығының
орынбасары, азаматтық қорғау полковнигі Абсатов Әлібек Әділбекұлы жеке құрамға қонақтарды таныстырды. Олар өз кезегінде түберкулездің таралу жолдары, алкогольдің және шылым шегудің адам денсаулығына зияны жөнінде кеңінен әңгімеледі. Алғашқы болып сөз алған Жамбыл облыстық салауатты өмір салтын қалыптастыру орталығының бас маманы Сарыбаева Балхаш Боранқұлқызы алкоголь мен темекінің адам денсаулығына келтіретін зардабын айтып, одан әрі жаман әдеттерден қалай арылуға болатындығы жайлы сөз қозғады. Ол өз сөзінде алкоголизм мен темекі шегуден құтылудың ең жақсы
жолы — ерік күші екендігін атап өтті. Егер адам өзінің науқас екенін түсініп, мойындаса және емделуге ниет білдірсе, бұл өте жақсы белгі. Ал мұндайда ең бастысы – өзінің ішкі ерік күшіне сенім арту болып табылады. Сіз өзіңіздің хоббиіңізді табуыңыз керек, жаман әдет туралы мүлдем ойламаңыз. Улы заттардың алмастырғыштарын таңдаңыз. Егер сіз бірнәрсе ішкіңіз келсе, жеміс коктейлін немесе энергетикалық тәттіні дайындаған дұрыс. Темекіні кәмпиттермен немесе жаңғақтармен алмастырыңыз. Бос уақытыңыздың болмағаны жөн.
Ең бастысы-темекі мен алкогольдің денсаулыққа тигізетін зияны туралы ешқашан ұмытпау қажет. Егер сіз ішімдік ішкіңіз келсе, таңертең қаншалықты жаман болатынын, алкогольдің салдарынан денсаулығыңыз
нашарлайтынын және отбасындағы қарым-қатынастың кері кетіп, нашарлайтындығын есте ұстауыңыз керек деп ойын түйіндеді. Іс-шара барысында тақырыпқа сәйкес бейнеррлик көрсетілді. Ал Фтизиопульмонология орталығының дәрігер фтизиаторы Тіленшиева Гүлдана Рәпілбекқызы өз сөзінде туберкулез адамнан адамға ауа арқылы таралады. Жөтелу, түшкіру немесе экспекция кезінде өкпе инфекциясы бар адамдар ауаға микробтарды шығарады. Инфекция үшін адамға осындай микробтардың бірнешеуін ғана жұту жеткілікті деп атап өтті. Сонымен қатар Өрт сөндіру қызметінің жедел-құтқару жасағының медбике- құтқарушысы Каримбаева Дина Мұратқызы онкологиялық аурулардың алдын алу
тақырыбында лекция оқыды. Шара соңында Қызмет бастығының орынбасары, азаматтық қорғау полковнигі Абсатов Әлібек Әділбекұлы шара қонақтарына алғысын білдіріп, мұндай шараларды жиі өткізу жеке құрам үшін өте қажет екендігін атап өтті.
Жамбыл облысы ТЖД Өрт сөндіру және авариялық-құтқару жұмыстары қызметінің Қоғаммен байланыс тобы
