Жамбыл облысы Төтенше жағдайлар департаментінің Өрт сөндіру және авариялық-құтқару жұмыстары қызметінің Жуалы ауданы №7 өрт сөндіру бөлімінің бастығы азаматтық қорғау подполковнигі Кеңесбек Абдраимов Республикалық “Қайырымдылық керуені” конкурсының лауреаты атанды. Лауреаттарды марапаттау рәсімі Тараз қаласы, Достық сарайында өткізілді. Айта кеткен жөн, аталған байқауда Жамбыл облысы облыс бойынша түрлі мамандық бойынша 42 лауреат марапатталды.
Айта кету керек, Мейірімділік керуені республикалық байқауы халықтың азаматтық бастамаларын жандандыруға және мейірімділік, қайырымдылық, қамқорлық және гуманизм сияқты адамгершілік құндылықтарды нығайтуға бағытталған. Байқаудың мақсаты-қайырымдылық пен белсенді азаматтық бастаманы насихаттау болып табылады.
Жамбыл облысы ТЖД Өрт сөндіру және авариялық-құтқару жұмыстары
қызметінің Қоғаммен байланыс тобы
