Өздеріңізге белгілі, Таразда 2020 жылдың 3 желтоқсанында ағымдағы жылдың ақпан айында Қордай облысында болған оқиғалар бойынша ашық сот ісі басталды.
Жаппай тәртіпсіздіктерге қатысқаны және басқа да құқықбұзушылықтар жасағаны үшін 51 адам қылмыстық жауапкершілікке тартылды, оның ішінде 33 адам қамауда, 16 адамға жеке кепілдік, 2 азаматтан ешқайда кетпеу және тиісті мінез-құлық туралы қолхат алынды.
Сот отырысы сотталушылар мен бұқаралық ақпарат құралдары өкілдерінің қатысуымен ашық форматта өтуде. Сот процесінің ашықтығы, сот қорғауына қолжетімділік және процеске қатысушылардың жарыспалылыққа құқықтарын іске асыруы қамтамасыз етілді.
Сотталушылардың туыстары үшін жеке залдар, ал БАҚ өкілдері үшін №2 қалалық сот ғимаратында процесс тікелей трансляцияланатын зал жабдықталған.
8-11 желтоқсан аралығында басты сот талқылауын өткізу жоспарланған. Қазақстан Республикасының қылмыстық іс жүргізу кодексінің талаптарына сәйкес, бастапқыда сотталушылардың, жәбірленушілердің жеке деректерін анықтауды, олардың басты сот талқылауында процессуалдық құқықтары мен міндеттерін түсіндіруді қамтитын басты сот талқылауының дайындық бөлімі өткізілетін болады. Содан кейін сот тергеу ісіне дәлелдемелерді эпизодтық негізде береді.
Бастапқыда жаппай тәртіпсіздікке шақыруға байланысты эпизодты қарастыру жоспарланып отыр.
Келесі эпизодтарды қарастыру процеске қатысушылармен келіссөздер жүргізу арқылы болады (5 сотталушы жаппай тәртіпсіздікке шақыруға байланысты бірінші эпизод бойынша айыптау актісі бойынша айыпталған).
Жамбыл облысының қылмыстық істер жөніндегі мамандандырылған ауданаралық соты жұртшылық және БАҚ өкілдеріне жалған мәліметтердің таралуын болдырмау үшін тек ресми ақпаратқа ғана сенім білдіруді сұрайды.
Еске сала кетейік, 7 ақпанда Қордай ауданының Масаншы, Сортөбе және Аухатты ауылдарында жаппай тәртіпсіздік орын алған болатын. Оқиға салдарынан 11 адам қаза тауып, 150-ден астам адам, оның ішінде полиция қызметкерлері жарақат алды. Сондай-ақ, 156 тұрғын үй мен кәсіпкерлік нысандары, 100-ден астам көлік зақымданды.
Жамбыл облыстық сотының баспасөз қызметі
