30 сәуір күні Жамбыл облысында коронавирус инфекциясының үш жаңа жағдайы (№ 117-119) тіркелді.
Бірінші науқас — Тараз қаласының тұрғыны. Бір күн бұрын ол дене қызуының жоғарылауына және тамақтың ауыруына қатысты шағымданған. Алынған зертханалық зерттеулер COVID-2019 ауруын растады.
Жақын байланыста болған 18 тұлға анықталып, карантинге оқшауланды. Оларды тексеру жұмыстары жүргізілуде.
Екінші науқас — 1987 жылы туған Қордай ауданының тұрғыны. Ол бұған дейін індет жұқтырған тұлғамен байланыста болғандығы үшін карантиндік стационарға жатқызылған. Талдау нәтижелері белгілі болғаннан кейін науқас жұқпалы аурулар ауруханасына ауыстырылды.
Сондай-ақ инфекция Атырау облысының Теңіз кентінде вахталық негізде жұмыс істейтін 1988 жылы туған Жамбыл ауданының тұрғынынан да анықталды. Белгіленген алгоритмге сәйкес ол аймаққа келгеннен кейін карантиндік стационарға оқшауланған. Зертханалық талдау нәтижелері бойынша COVID-2019 диагнозы қойылды.
Жамбыл облысында коронавирустан тағы үш адам емделді. Олар – 45, 50 және 75 жастағы әйелдер.
Үшеуі де КВИ науқастарына арналған стационарға 14 сәуір яғни бір күнде, әртүрлі жағдайлармен түскен. Олардың бірі Қордай ауданының 75 жастағы тұрғыны. Инфекцияны туысының жаназасында жұқтырған.
50 жастағы екінші емделуші індетті науқаспен байланыста болған кезде жұқтырып алған.
45 жастағы үшінші әйел Ресейден келген науқас күйеуімен қарым-қатынаста болғандығы үшін ауруханаға жатқызылған болатын. Ол да 17 сәуірде емделіп шықты.
Сәтті емдеуден өткен олар алдағы екі апта бойы дәрігерлердің бақылауындағы үй карантинінде болады.
Жамбыл облысы бойынша КВИ-дан емделгендер 46 адамға жетті.