Өңірлік «Атамекен» кәсіпкерлер палатасы мен Сыбайлас жемқорлыққа қарсы іс-қимыл агенттігінің Жамбыл облысы бойынша Департаменті кәсіпкерлердің құқықтарын қорғау мен дамытуда күш біріктірді.
Жол картасы 2022 жылға жоспарланған және жалпы алғанда, бизнестің дамуына кедергі келтіретін жүйелік мәселелер мен кедергілерді анықтауға, «Protecting business and investments» жобасы аясында кәсіпкерлік субъектілерінің құқықтары мен мүдделерін бұзуға жол бермеу жөніндегі шараларды қабылдауға бағытталған.
“Бүгінгі күні Protecting business and investments» жобасы аясында кәсіпкерлер палатасымен тығыз жұмыс жасау шеңберінде Жамбыл облысы бойынша Департамент шетелдік және отандық инвесторлармен жалпы сомасы 500 млрд.теңгеден астам Сыбайлас жемқорлыққа қарсы сүйемелдеу туралы 36 келісімге қол қойды. Сондай-ақ палатамен бірлескен күшімен біз 24 кәсіпкердің құқығын қорғадық”,- сөз алған өңірлік кәсіпкерлер палатасының директоры Еркін Атымтаев атап өтті.
Құжатта ауыл шаруашылығы тауарын өндірушілерді субсидиялау, жер қатынастары, автомобиль жолдары және жолаушылар көлігі, кеден, құрылыс салаларындағы сыбайлас жемқорлық тәуекелдеріне бірлесе талдау жүргізу, сатып алу саласында, оның ішінде «Сатып алулардың бірыңғай терезесі» порталы арқылы сыбайлас жемқорлық тәуекелдерін төмендету жөніндегі шаралар жоспарланған.
Департамент басшысының бірінші орынбасары Равиль Төлебаев қазіргі таңда Жол картаның бірініші тармағына сәйкес агроөнеркәсіп саласын субсидиялау бойынша сыбайлас жемқорлыққа қарсы мониторинг жұмыстарын бастап кетгендігі туралы атап өтті.
«Аталған жұмыс аясында сыртқы эксперттер мен сарапшылардан тұратын өңірлік топ құрылды. Топ құрамына Өңірлік кәсіпкерлер палатасының өкілдері, қоғам белсенділері, арнайы мониторингтік топтың мүшелері, ағарту насихат штабының өкілдері, фермерлік бірлестіктерінің өкілдері, «Ауыл» партиясының мүшесі, Аграрлық кредиттік корпорация және Ауыл шаруашылығын қаржылай қолдау қорының өкілдері кірді. Топ жұмысының басты мақсаты ол өңіріміздегі ауыл шаруашылығы саласында, соның ішінде субсидиялау кезіндегі орын алатын проблемалық мәселелерді анықтау,оларды шешуге шаралар қолдану болып табылады», — деді өз сөзінде Равиль Қуанышбайұлы.
Айта кетерлігі, бүгінгі күнге Департаменттің қатысуымен өңірлік жұмыс тобымен облыстық деңгейде Департамент, Өңірлік кәсіпкерлер базаларында және Байзақ, Жамбыл, Сарысу, Талас, Меркі, Т. Рысқұлов аудандарына ауыл шарушылығы өнімдерін өндірушілерімен кездесу ұйымдастырылып бірқатар проблемалық мәселелер анықталған. Олар, субсидия беруді реттейтін нормативтік құқықтық актілердегі шикілік, жайылым жерлерінің жетіспеушілігі, жылқы малының субсидияланбауы, ақпараттық системалардың дұрыс жұмыс жасамауы және тағы басқалары. «Тапсырмаға сәйкес алдағы уақытта Ауыл шаруашылық басқармасы қызметіндегі сыбайлас жемқорлық тәуекелдеріне сыртқы талдау жұмыстарын бастау жоспарланып отыр, осы тұрғыда барлық қоғам белсенділерін осы жұмысқа бізбен бірге ат салысып қызмет жасауға шақырамыз, құрылған топқа қосылуға ниет білдірушілер болса Департаменке хабарлассаңыздар болады»,-деп қорытындылады Равиль Төлебаев.
