Карантиндік шектеулерді ескере отырып, сондай-ақ кәмелетке толмағандарға қатысты құқық бұзушылықтардың алдын алу және ескерту, олардың құқықтары мен заңды мүдделерін қорғау, жасөспірімдер қылмысын азайту мақсатында Жамбыл облысының полиция қызметкерлері жүйелі түрде рейдтік іс-шаралар өткізіп тұрады.
Аталған міндеттерді іске асыру және іс-қимылдарды үйлестіру үшін облыс орталығының полиция бөлімдерінде ювеналды полиция инспекторларын, білім басқармасының өкілдерін, волонтерлерді және өзге де мүдделі органдарды тарта отырып, жұмыс топтары құрылды.
Тәртіп сақшылары кәмелетке толмағандар арасында қаңғыбастық пен қадағалаусыз қалу, жасөспірімдердің түнгі уақытта ересектердің қарауынсыз үйде болу деректерінің, сондай-ақ кәмелетке толмағандарға алкоголь және темекі өнімдерін сату жағдайларының жолын кесу бойынша профилактикалық есепте тұрған кәмелетке толмағандарға, сондай-ақ олардың ата-аналарына ерекше назар аударды.
Саябақтар, скверлер, алаңдар, кафе-барлар, компьютерлік клубтар және жастар көп жиналатын басқа да орындар полицейлердің назарында болды.
Мысалы, Тараз қаласының екі ойын-сауық мекемесінде полиция қызметкерлері түнгі сағат 22:00-ден кейін ересектердің қарауынсыз болған екі жасөспірімді анықтады. Олардың ата-аналарына қатысты ҚР Әкімшілік құқық бұзушылық туралы кодексінің 442-бабы 1-бөлігі «кәмелетке толмағандардың заңды өкілдерінің еріп жүруінсіз түнгі уақытта ойын-сауық мекемелерінде немесе тұрғынжайдан тыс жерде болуы» бойынша әкімшілік хаттамалар толтырылды. Сондай-ақ жасөспірімдердің түнгі уақытта мекемелерде болғаны үшін ҚР Әкімшілік құқық бұзушылық туралы кодексінің 132-бабы «кәмелетке толмағандардың түнгі уақытта ойын-сауық мекемелерінде болуына жол беру» бойынша кафе-барлардың екі иесі әкімшілік жауапкершілікке тартылды, олардың әрқайсысына 10 айлық есептік көрсеткішпен айыппұл салынды.
Сонымен қатар, 21 жасқа толмаған тұлғаға алкоголь сатудың 1 дерегі анықталды. Дүкен иесі ҚР ҚР Әкімшілік құқық бұзушылық туралы кодексінің 200-бабы 1-бөлігі «Алкоголь өнімін сату бойынша Қазақстан Республикасы заңнамасының талаптарын бұзу» бойынша тартылды, оған 40 айлық есептік көрсеткіш мөлшерінде айыппұл салынады.
Сонымен қатар, полиция қызметкерлері медициналық маскаларсыз бірқатар келушілерді тапты. Халықтың санитарлық-эпидемиологиялық салауаттылығы саласындағы заңнама талаптарын, сондай-ақ гигиеналық нормативтерді бұзу дерегі бойынша жиналған материалдар заңды шешім қабылдау үшін тиісті органдарға жіберілді.
Өткен демалыс күндері барлығы 58 рейд жүргізілді, оның барысында ІІО-ға 100 кәмелетке толмаған бала жеткізілді, 249 ата-ана мен өзге де ересек адам әкімшілік жауапкершілікке тартылды.
Есепке 8 жасөспірім және 14 кәмелетке толмаған тұратын 8 қолайсыз отбасы қойылды. 12 жасөспірім қаңғыбастығы үшін Кәмелетке толмағандарды бейімдеу орталығы орналастырылды.
