Отырыста мемлекеттік қызмет саласындағы заңнаманың сақталуы, мемлекеттік қызметшілердің әдеп нормаларын сақтау, сыбайлас жемқорлықтың алдын алу және мемлекеттік органдар қызметінің тиімділігін арттыру мәселелері талқыланды.
Кеңес барысында Жамбыл облысы әкімдігінің жолаушылар көлігі және автомобиль жолдары басқармасының басшысына қатысты тәртіптік іс қаралып, тиісті ұсыным қабылданды.
Сонымен қатар, Тараз қаласы, Меркі ауданы әкімі аппараты, облыстық мемлекеттік сатып алу басқармасы, мәдениет және тілдерді дамыту басқармасы, сондай-ақ Тараз қаласы бойынша Мемлекеттік кірістер басқармасында мемлекеттік қызмет саласындағы заңнама талаптары мен әдеп нормаларының сақталуы, сыбайлас жемқорлықтың алдын алу бағытында атқарылған жұмыстар қаралды.
Отырыс қорытындысы бойынша Әдеп жөніндегі кеңес мемлекеттік органдардың басшыларына орындауға міндетті ұсынымдар берді.
Ақпарат Жамбыл облысы әкімдігі ақпарат және қоғамдық даму басқармасы мемлекеттік ақпараттық саясат тапсырысы негізінде жарияланды
