2020 жылдың 21-22 қарашасында, яғни өткен демалыс күндері Жамбыл
облысының өрт сөндіруші-құтқарушылары 5 автокөліктегі өрт оқиғаларын сөндіруге шыққан. Атап айтқанда:
1. Тараз қаласы, «Бәйтерек» (13) мөлтек ауданы, №20 үйдің ауласында
жеңіл автокөлік өртенген. Өрт салдарынан автокөліктің алдыңғы бөлігі
зақымдалып, қозғалтқыш бөлігі жойылған. Ал жанында тұрған жеңіл
автокөліктің оң жақ бояуы және фарасы зақымдалған.
2. Тараз қаласы, «Арай» иінінде жеңіл автокөлікт өртенген. Өрт салдарынан автокөліктің салонындағы жылыту жүйесі зақымдалған.
3. Тараз қаласы, «Ақжол» иінінде жеңіл автокөлік өртенген. Өрт
салдарынан автокөлік жойылды.
4. Жуалы ауданы, Қарасаз ауылында «Газель-2272524» маркалы жүк
автокөлігі өртенген. Өрт салдарынан автокөліктің қозғалтқыш бөлігі, салоны жойылды.
5. Байзақ ауданы, Үшбұлақ ауылы, «Таудос» кафесінің жанында орналасқан автотұрақтың ішінде тиесілі жүк автокөлігі өртенген. Өрт салдарынан автокөлігінің кабинасы, кузовы және көлікке тиелген тұрмыстық техникалар жойылды. Өрт кезінде автоөкөлік жүргізушісі (1976 жылы туған ер адам) 70 пайыз күйікпен № 2 қалалық ауруханасының жан сақтау бөліміне жатқызылды.
Жалпы әр автокөлік міндетті түрде алғашқы өрт сөндіру құралдарымен
(ұнтақты немесе көмір қышқылды өрт сөндіргішпен) қамтамасыз етілуі және салонда, оңай қол жетімді жерде өзімен бірге болуы тиіс. Негізінен аса кішкене және ықшам өрт сөндіргіштерді таңдамаған жөн. Сіз ондай құралмен өртті сөндіре алмайсыз.
Ал егер автокөлікте өрт туындаған кезде көлікті жол жиегінде тоқтату
және қозғалтқышты сөндіру;
• клеммниктерді аккумулятордан ажыратып, борттық электр желісін тез
ажырату;
• болған жағдай туралы өрт сөндіру қызметіне «101» немесе 112 телефондары арқылы кез келген тәсілмен хабарлау, оған басқа
автомобильдердің жолаушылары мен жүргізушілерін тарту;
• өрт сөндіру бөлімшелері келгенге дейін қолда бар өрт сөндіру
құралдарымен өртті сөндіру қажет.
Құрметті автокөлік иелері! Өз мүліктеріңізге қырағылықпен қарап, өрт
оқиғаларын болдырмауды естен шығармау қажет!
Жамбыл облысы ТЖД Өрт сөндіру және авариялық-құтқару жұмыстары қызметінің Жұртшылықпен байланыс тобы
