Атап айтсақ, Тараз қаласында 3-77 жас аралығындағы тұрғындар арасында 11 симптомдық жағдай анықталды. Науқастардың орташа жас мөлшері-31 жастағы әйел мен оның үш жасар баласы, олар байланыста болған адамдар ретінде тіркелген.
Сондай-ақ, Жуалы ауданында 4 жағдай, Жамбыл ауданында 2 жағдай, Қордай, Мойынқұм және Т.Рысқұлов аудандарында 1 жағдайдан расталды. Барлығы 8 зейнеткерден коронавирус табылған. Симптомдық тасымалдаушылар инфекциялық және провизорлық стационарларда ем алуда. Олармен байланысқан адамдар карантинге оқшауланды. Ошақтарда қорытынды дезинфекция жүргізілді.
Сонымен қатар, өткен тәулікте симтомпсыз коронавирус бойынша Тараз қаласында 6, Қордай ауданында 5, Шу ауданында 3, Т.Рысқұлов ауданында 2, Жуалы, Мойынқұм, Талас, Жамбыл аудандарында 1 жағдайдан тіркелді. Олардың барлығы үй карантиніне алынды.
Бұлардың басым бөлігі тұрғындар шұғыл ауруханаға жатар алдында коронавирусқа тест тапсырған десек, жүкті әйелдер эпидемиологиялық көрсеткіштер бойынша ПТР зерттеуінен өткен.
Жалпы, ағымдағы жылдың 6 тамызындағы жағдай бойынша Жамбыл облысында коронавирустық инфекцияның 3804 жағдайы тіркелсе, 3080 науқас емделіп, ауруханалардан шығарылды.
