Жамбыл облысы берілген және қайта қаржыландырылған өтінімдер бойынша 4 орында

Жамбыл облысы бойынша қайта қаржыландыруға берілген өтінімдердің саны 2 209 құрады.
Бұл туралы Өңірлік коммуникациялар қызметінде өткен брифинг барысында «Қазақстан Республикасы Ұлттық Банкі» РММ Жамбыл филиалы директорының орынбасары Нұрлан Берікбосынов хабарлады.
Спикердің баяндауынша, 2017 жылғы 15 ақпандағы жағдай бойынша республикада банктер Бағдарлама шеңберінде қарыздарды қайта қаржыландыруға 26 909 өтінім қабылдады, оның ішінде 123,7 млрд. теңге сомасында 20 401 өтінім бойынша қайта қаржыландыру туралы оң шешім қабылданды.
Жамбыл облысында Бағдарламаны жүзеге асыруда екінші деңгейдегі банктердің 10 филиалы қатысады («Қазақстан Халық Банкі» АҚ, «Казкоммерцбанк» АҚ, «Forte Bank» АҚ, «ЦентрКредит Банкі» АҚ, «АТФ Банк» АҚ, «Kaspi Bank» АҚ, «Цеснабанк» АҚ, «Еуразиялық Банк» АҚ, «Нұрбанк» АҚ).
Банктердің алдын ала мәліметтері бойынша Жамбыл облысында Бағдарлама шеңберінде қайта қаржыландыруға 2 546 қарыз жатады.
Жалпы Жамбыл облысы бойынша берілген өтінімдердің саны 2 209 құрады. 5,8 млрд. теңге сомасында 1 729 өтінім мақұлданды, оның ішінде 4,7 млрд. теңге сомасында 1 574 өтінім қайта қаржыландырылды.
Біздің аймақта Ұлттық Банктің филиалы және екінші деңгейдегі банктердің филиалдарымен бірлесіп Жамбыл облысы әкімшілігімен Бағдарламаны сәтті аяқтау үшін ауқымды жұмыстар жасалып жатқанын атап өту қажет.
Басқа облыстармен салыстырғанда Жамбыл облысы берілген және қайта қаржыландырылған өтінімдер бойынша Алматы қ., Астана қ., және Оңтүстік Қазақстан облысынан кейін республика бойынша 4 орында.
Алайда, Бағдарлама талаптарына сәйкес келетін кейбір қарызгерлердің мекенжайын анықтауда «Казкоммерцбанк» АҚ, «АТФ Банк» АҚ филиалдарында қиындықтар бар екенін атап өту қажет.
Осыған байланысты, Жамбыл облысындағы екінші деңгейдегі банктер қарызгерлердің өтініштерін қабылдау үшін барлық қажетті жағдайды жасауға және осы бағыттағы жұмыстарды жандандыруға барынша дайын екенін атап өту қажет.
Бұл ретте, қайта қаржыландырылған қарыздарды өтеуден түсетін, сондай-ақ Бағдарламаның талаптарына сәйкес Игеру кезеңінен кейін түскен ақша Салымды орналастыру күнінен бастап 120 ай өткенге дейін өтініштері Игеру кезеңінде орындалмаған қарыз алушылардың қарыздарынқайта қаржыландыруға жіберілетіні туралы азаматтардың назарын аударамыз, — деп Нұрлан Махамбетұлы атап өтті.
Нұрлан Махамбетұлының мәліметінше, 2017 жылдың 1 сәуірінде Ипотекалық тұрғын үй қарыздарын/ипотекалық қарыздарды қайта қаржыландыру бағдарламаны іске асыру үшін екінші деңгейдегі банктердегі мемлекеттің салымын игеру кезеңі аяқталады.
Бағдарлама:
 қамтамасыз етілуі қарыз алушының/кепіл берушінің жалғыз тұрғын үйі (жер учаскесі) болып табылатын 01.01.2015ж. жағдай бойынша 36,5 млн. теңгеден аспайтын сомада негізгі борышы бойынша берешек қалдығымен 2004 — 2006 жылдардағы кезеңде берілген ұлттық валютадағы және шетел валютасындағы ипотекалық тұрғын үй және ипотекалық қарыздарды қайта қаржыландыруды;
 шетел валютасындағы қарыздарды теңгеге аударуды;
 жылдық 3%-дан аспайтын мөлшерлеме бойынша капиталдандырылған сомаларды шегере отырып қарыз бойынша негізгі борышты қайта қаржыландыруды;
 банктердің қайта қаржыландырылған қарыз бойынша қарыз алушының сыйақысы, комиссиялары, тұрақсыздық айыбы бойынша қалыптасқан берешегін кешіруді (есептен шығаруды).
Бағдарламаны іске асыру тетігін жетілдіру мақсатында, сондай-ақ осы Бағдарламаға жататын қарызгерлердің шеңберін кеңейту өзгерістер мен толықтырулар енгізілді.
Атап айтқанда, Бағдарламаға қатысушылардың тізбесі кеңейтілді; 2015 жылғы 1 қаңтардағы жағдай бойынша кепіл берушінің және оның қарыз алушы болып табылмайтын жұбайының (зайыбының) тұрғын үйінің жалғыз болуы бойынша шектеу жойылды; қарыз алушыларға арналған тұрғын үйдің ауданы бойынша шектеу жойылды; Бағдарламаның критерийлеріне сәйкес келетін баспанадан бөлек қосымша жер телімі, қарыз алушы мен оның жұбайының (зайыбының) жалғыз жылжымайтын мүлкі болып табылатын, сондай-ақ, тұрғын үйге жатпайтын үй-жай бар қарыз алушылар Бағдарламаға енгізілді.
Сонымен қатар, жер телімінің нысаналы бағыты бойынша талап жойылды, халықтың әлеуметтік осал топтары (бұдан әрі — ХӘОТ) санатындағы қарыз алушылар үшін жалғыз жер телімінің болуы жойылды, Бағдарламаға қайта қаржыландыруға өтініш берген күні ХӘОТ мәртебесін растаған қарыз алушылар Бағдарламаға қосылды.
Мемлекет басшысының тапсырмасын іске асыру барысында Ұлттық Банк екінші деңгейдегі банктердің ипотекалық тұрғын үй қарыздарын/ипотекалық қарыздарды қайта қаржыландыру үшін 130,0 млрд. теңге бөлді.
Бағдарламаның іске асырылу барысы туралы ақпарат Ұлттық Банктің сайтында үнемі орналастырылады, — деп ӨКҚ-де өткен брифинг барысында Нұрлан Махамбетұлы айтты.