Байқаудың мақсаты – әл-Фараби мен Абайдың мұрагерлік сабақтастығын байланыстыра отырып, шығармашылық адамдардың шабытын шарықтату, ғұлама ойшылдың өмірі мен ғылымға әкелген үлкен үлесін насихаттау.
Байқаудың міндеттері:
- Жастардың ізденісін артыру;
- Әл-Фараби мен Абай философиясын өскелен ұрпаққа ұғындыру;
- Шығармашылыққа жақын жандарға мотивация беру;
- Абай мен әл-Фарабидің мерейтойын жазуға қабілеті бар адамдар арқылы насихаттау;
- Ауылдардағы (шалғай елді-мекендерде) шығармашылыққа қабілеті бар назардан тыс қалған шығармашылыққа бейім жандарды БАҚ арқылы насихаттау.
Байқаудың қатысушылары: Жамбыл облысының және Тараз қаласының 14-35 жасаралығындағы тұрғындары болу керек.
Байқау шарттары: Әр шығармашылық жұмыс abai-Farabi@bk.ru электронды почтасына алдын-ала жіберіліп, сараптан өткізіледі.
Эссе тақырыбы Абайдың 175 жылдығы және Әбу Насыр Әл-Фарабидің 1150 жылдығына сәйкес келуі шарт.
Ескерту: Эссеге қатысушы мазмұн көркемдігіне қарай қалаған тақырыбын қоя алады.
Эссе Microsoft Word түрінде қабылданады. Шығарма көлемі 14 шрифтпен, 1,0 интервалмен, 10 беттен аспау керек.
1 қатысушы бір ғана эссе жолдай алады. Егер байқауға қатысушы 2 эссе жолдаған жағдайда эссенің мазмұн тереңдігіне, тіл көркемдігіне қарай үздік деп танылғаны байқауға қабылданады. Материалдар тек қазақ тілінде болуы тиіс.
Қатысушылар эссе байқауына өздерінің толық аты-жөнін, телефон нөмерін, мекен-жайын және өздері туралы қысқаша мәліметті қосып жазып, abai-Farabi@bk.ru электронды поштасына жіберу керек.
Байқау талаптары: Байқауға эссе жұмыстарын қабылдау 2020 жылдың 25 шілдесі күні Нұр-Сұлтан уақыты бойынша сағат 09.00-де басталып, 2020 жылдың 9 тамызында сағат 23:59-да аяқталады.
Қазақстанның егемендігіне, біртұтастығына, бірлігіне нұқсан келтіретін материалдар байқауға қабылданбайды.
Байқау барысы:
Барлық шығармашылық жұмыстар «Адырна» ұлттық порталының (www.adyrna.kz ) «Abai-175» және «Al-Farabi-1150» айдарларына жарияланады.
Жеңімпаздарды ҚР танымал жазушылары мен журналистерден жасақталған қазылар алқасы анықтайды.
Жеңімпаздар құнды сыйлықтармен, арнайы әзірленген Абай мен әл-Фарабидің мүсіншелерімен, дипломдар, рамкалар, гүл шоқтарымен марапатталады.
Жеңімпаздар Тараз қаласында өтетін қорытынды шығармашылық фестивальде марапатталады.
Байқауға қатысу үшін ұсынылған жұмыстар:
Көркем тілділігіне;
Сауаттылығына;
Ғылымилығына;
Объективтілігіне;
Креативтілігіне;
Мазмұнына;
Көркемдігіне;
Сапасына;
Өзектілігіне және т.б. қарай бағаланады.
Ұйымдастырушылар:
«Жамбыл облысы әкімдігінің ішкі саясат басқармасы» коммуналдық мемлекеттік мекемесінің жобасы аясында «Адырна» ұлттық-этнографиялық бірлестігі» қоғамдық қоры.
Толық ақпаратты +7 747 933 91 09 нөмірі арқылы біле аласыздар. (Сұрақтарыңызға дүйсенбі-жұма күндері аралығында сағат 09.00-18.00 арасында ғана жауап бере алады).
