Өңірлік коммуникациялар қызметінде өткен брифингте сот алқаларының төрағалары Жамбыл соттарының жарты жылда атқарған жұмыстарының қорытындысына тоқталды. Жамбыл облыстық сотының әкімшілік істер жөніндегі сот алқасының төрағасы Дина Нұрлыбаева Қазақстанда әкімшілік сот ісін жүргізудің жаңа бағыты пайда болған бір жыл ішіндегі жұмыс нәтижесі туралы баяндады.Бұл туралы Turaninfo. kz ақпараттық агенттігі хабарлайды.
Д.Нұрлыбаеваның айтуынша, 2021 жылдың 1 шілдесінен 2022 жылдың 1 шілдесіне дейін облыстық соттарға 1033 әкімшілік талап-арыз түскен. 2021 жылдың алты айында қаулымен 130 әкімшілік іс қаралып, оның 82-сі (63 пайызы) талап қоюшылар – азаматтар мен шаруашылық субъектілерінің пайдасына, 48-і (37 пайызы) қанағаттандырудан бас тартылған.
2022 жылдың бірінші жартыжылдығында шағымдарды қанағаттандыру 66,9 пайызға дейін өсті. 136 әкімшілік істің 91-і талап қоюшылардың пайдасына, 45-і (33,1 пайызы) әкімшілік органның пайдасына шешілген.
Айта кетерлік жайт, бұрын азаматтар өте сирек жеңетін жер дауы, денсаулық сақтау саласындағы даулар сияқты санаттағы істер бойынша талап арыздарды қанағаттандыру айтарлықтай өскен. Жер даулары бойынша талап арыздардың 76 пайызы, денсаулық сақтау саласындағы даулар бойынша 83 пайызы қанағаттандырылған.
— Бұл жай ғана сандар емес. Бұдан біз әкімшілік сот төрелігінің шын мәнінде мемлекеттік органдармен және лауазымды тұлғалармен дауда азаматтар мен кәсіпкерлердің құқықтарын қорғайтынын аңғара аламыз. Егер бұрын мемлекеттік органмен дауда азаматтар 15 пайыз ғана істерді жеңіп шыққан болса, бүгінде бұл жағдай азаматтар мен бизнестің мүддесіне қарай өзгере бастады», — дейді Д.Нұрлыбаева.
Қылмыстық істер жөніндегі сот алқасының төрағасы Нұрмұхаммат Абидов 2022 жылдың алты айында облыс соттарына 991 қылмыстық іс келіп түскенін, бұл өткен жылдың сәйкес кезеңімен салыстырғанда 191 қылмыстық іске азайғанын, яғни 1182 қылмыстық іс түскенін жеткізді. Жыл басынан бері 809 адам сотталған, оның ішінде 337 адам (41,7 пайыз) бас бостандығынан айырылған, оның ішінде аса ауыр қылмыстар үшін 58 адам (100 пайыз), ауыр қылмыстар үшін 239 адам (49,7 пайыз) және жеңіл қылмыстары үшін 239 адам (49,7 пайыз) еркіндіктен шектелген. Сот өндірісінің сапасына келетін болсақ, апелляциялық тәртіпте сегіз тұлғаға қатысты бес үкімнің күші жойылды, бұл 0,9 пайызды құрайды, 50 тұлғаға қатысты 38 үкім өзгертілді, бұл 5,4 пайызды құрады.Сот өндірісінің сапасына келсек, бес үкімнің күші жойылды. Апелляциялық шағым бойынша сегіз тұлғаға қатысты үкім 0,9 пайызды құрайды, 50 адамға қатысты 38 үкім өзгертілді, бұл 5,4 пайызды құрады. Кассациялық тәртіпте бір адамға қатысты бір үкімнің күші жойылды, жеті адамға қатысты жеті үкім өзгертілген. Баяндамашы оның себептерін жеке-жеке атап өтті: бес тұлғаға қатысты төрт іс бойынша шығарылған үкімнің жеңілдігіне байланысты жаңа үкім шығарылып жойылған. Оның ішінде екі тұлғаға қатысты бір қылмыстық іс 24-баптың талаптарының бұзылуына байланысты өзгерген. Қылмыстық іс жүргізу кодексінің істің мән-жайы, толықтығы және объективтілігіне байланысты қысқартылған тәртіпте тараптардың келтірілген зиянның мөлшерін даулаған кезде қаралған.
Үш тұлғаға қатысты бір қылмыстық іс жасалған әрекеттің елеусіздігіне байланысты өндірісті қысқартумен тоқтатылған.
Азаматтық істер жөніндегі алқа төрағасы Жомарт Рүстембеков 2022 жылдың бірінші жартыжылдығында бірінші сатыдағы соттар 7 913 азаматтық істі аяқтағанын, оның 4 242-сі шешіммен қаралғанын хабарлады.
Апелляциялық тәртіпте 16 шешімнің (0,4 пайыз) күші жойылған, 45 шешім (1,1 пайыз) өзгертілген. Жоғарғы Сот кассациялық тәртіпте төрт істі жойып, біреуін өзгерткен. Барлығы 67 (1,6 пайыз) күші жойылған және өзгертілген шешім қабылданған.
Арайлы Жақсылық
