Жамбыл облысы Сарысу ауданы Жаңатас қаласындағы 200-ден астам үйдің аулаларына қатты жауын салдарынан көлбеу ағыны себебінен аулаларды ау алды.
«2024 жыл 7 шілдеде сағат 17:20 шамасында Сарысу ауданында қатты жауын салдарынан көлбеу ағын қалыптасып, Аяпова, Абай, Құрақбай, Құдайбердиев, Байсейтова, Мәди, Панфилов, Клочкова, Шагиров, Есова, Алтынсарин, Мұратбаев, Жамбыл көшелеріндегі жалпы 200-ден астам үйдің аулаларын су алды. Қазіргі уақытта су деңгейі төмендеді, барлық көшелер тау бөктерінде орналасқан. Зардап шеккендер мен су басқан үйлер, аула аумақтарының саны нақтылануда. Тұрғындарға көмектесу және су айдау жұмыстары жүргізілуде. Ол үшін жергілікті атқарушы органдардан және төтенше жағдай департаментінен барлығы 50-ден астам адам, 17 бірлік техника жұмылдырылып, 11 мотопомпа және дрон қолданылуда» деп ақпарат берді
Оқиға орнына Жамбыл облысы әкімі Ербол Қарашөкеев, полиция департаменті бастығы, генерал майор Арманбек Баймурзин, облыстық төтенше жағдайлар департаменті бастығы Арман Токанов шықты.
Еске сала кетейік, жексенбі, 7 шілде күні Сарысу ауданы Жаңатас қаласында қатты жауын-шашын салдарынан көлбеу ағын қалыптасып, бірқатар көшелердегі 400-ден астам үйдің ауласы мен 47 үйдің ішін су алды.
Шығынды есептеу, қосымша нақтылау шаралары жалғасуда.
Ербол Қарашөкеев жедел штаб отырысында орын алған жағдайдың қайталанбауы үшін себебін зерделеу бойынша жауапты тұлғаларға нақты міндеттер жүктеді.
Арнайы комиссия құрылып, тұрғындарға, зардап шеккен нысандарға заң талаптарына сәйкес барлық қажетті көмек, қолдаулар көрсетіледі. Біз бұл қиындықты да бірге еңсереміз, – деген өңір басшысы аталған жағдай жеке бақылауында болатынын баса айтты.
