«Жаңа-Ру» жастар жаршысы
«Жаңа-Ру» жастар коалициясы дербес бірлестік ретінде өз жұмысын 2011 жылы 11 қарашада бастады. Ұйым Жамбыл облысы пікірсайыс одағы «Еркін пікір» жастар қоғамдық бірлестігі, Тараз Студенттер Альянсы, Жамбыл облысы ауыл жастары одағының бірігуі нәтижесінде құрылған. Коалициясының президенті болып 2011 жылы Серікбол Берікқожа тағайындалып, 2016 жылға дейін басқарса, өткен жылдан бастап Ернұр Мадияров басқарып келеді.
Ұйымның негізгі мақсаты – жастар арасында ұлттық құндылықтарды, салт-дәстүрлерді насихаттап, қоғамдағы өзекті мәселелердің шешу жолдарын қарастыру, оның ішінде ауыл жастарының мәселелерін көтеру, қоғамдық шараларға белсене қатысу, әлеуметтік жобаларды жүзеге асыру болып табылады. Бірлестік жастардың құқықтық сауаттылығын арттыру, жемқорлыққа қарсы имуниттетті күшейту, діни экстремиз мен терроризмді алдын алу,отбасы құндылықтарын насихаттап, жас отбасылардың ажырасу мәселелерін алдын-алу үшін ақпараттық түсіндіру жұмыстарын жүргізу жолында табанды түрде айналысып келеді.
«Жаңа-Ру» жастар коалициясы 2013 жылдан бастап түрлі әлеуметтік жобалармен айналысуда. Атап өтетін болсақ, Елбасының «Ұлт Жоспары – «100 нақты қадам» бағдарламасын, жыл сайынғы жолдауларын халықтың арасында насихаттап, облыс тұрғындары арасында діни экстремизм мен терроризмнің алдын алу, нашақорлықтың белең алуын болдырмау, сыбайлас жемқорлықты алдын-алу бағытында нәтижелі жұмыстар атқарылды.
Осы уақыт аралығында облыс көлемінде дін мәселелесі бойынша түрлі басқармаларға, бөлімдерге атқарушы органдарға ұсыныстар берген. Әлеуметтік жобалар шеңберінде тұрғындар арасынан жиналған ұсыныс-пікірлерді облыстық деңгейде көтеріп, білім басқармасына, дін басқармасына жеткізілді. Жоғарғы оқу орындарында, мектептерде дінтану пәнінен білім беретін ұстаздарына оқыту курстары жүргізіліп, діни экстремизм мен терроризмнің алдын алу шаралары бойынша ақпараттар тарату жүзеге асырылды. Сондай-ақ терроризмнің жастар арасында алдын алуға байланысты жұмыстары күшейтіп, оның ішінде ұйымдаспаған жастар арасында насихат жұмыстарын көбірек жүргізіп, осыған қатысты мәселелерді шешуге ықпал етті.
Бірлестіктің алға қойған мақсаты осы бағытта қоғамдағы өзекті мәселелерді, түйткілді жағдайларды шешу болып отыр. Ақпараттық түсіндіру жұмыстарын күшейтіп, ұйымдаспаған жастар арасында қылмысқа бейім жасөспірімдердің, теріс-радикалды діни ұйымдардың ықпалынан зардап шеккен жандарға психологиялық көмек беру ұйым мүшелерінің алға қойған үлкен жоспары болып табылады.
«Жаңа-Рудың» ауыз толтырып айтарлық жетістіктерінің бірі — соңғы үш жыл қатарынан дін мәселелеріне байланысты республикалық ғылыми-практикалық конференциясын өткізіп келеді. Бұл мазмұнды шараға студенттер мен магистранттар, докторанттар қатысып, оның алдын-алу жолдары жөнінде тәжірибе алмасу жұмыстары қарқынды түрде жүргізіліп келеді. Аталған ғылыми конференция алдағы уақытта да жалғасын табатына сеніміміз зор. Құрылған сәтінен бастап нәтижелі жұмыстар атқарып келе жатқан «Жаңа-Ру» жастар коалициясы облысымыздағы ірі мәселелердің шешілу жолында үлкен қозғаушы күш болып келеді. Бірлестікке осы бағыттан таймай, ел мүддесі жолында табанды қызмет етіп, мол жетістіктерге жетулеріне тілектеспіз.
TURANINFO.KZ
