БЖЗҚ есептеудің жаңартылған әдістемесін ескере отырып, зейнетақы жинақтарының 2026 жылғы ең төменгі жеткілікті шегін жариялады, -деп хабарлайды «ҚазАқпарат» Халықаралық ақпарат агенттігі.
Жаңа әдістемеге сәйкес, жеткілікті шек мөлшері болашақ зейнетақы төлемдерінің нысаналы көрсеткіштері негізінде айқындалады және ай сайынғы зейнетақы төлемдерінің келтірілген құнының формуласы негізінде салымшының әрбір жасы үшін жеке есептеледі.
• 20 жас — 6,67 млн теңге;
• 30 жас — 9,75 млн теңге;
• 40 жас — 13,37 млн теңге;
• 50 жас — 17,59 млн теңге;
• 60 жас — 22,5 млн теңге.
Егер жинақталған сома белгіленген шектен аз болса, зейнетақы жинақтарының бір бөлігін мерзімінен бұрын пайдалану мүмкін болмайды.
Формула ұзақ мерзімді демографиялық көрсеткіштерді, сондай — ақ қаржылық параметрлерді-инвестициялау кірістілігін және төлемдерді индекстеуді ескереді. Бұл болашақ зейнетақы төлемдерінің тұрақтылығы мен болжамдылығын арттыруға мүмкіндік береді.
БЖЗҚ-да келтірілген құн әдісін қолдану халықаралық тәжірибеге сәйкес келетіндігі және есептеулердің макроэкономикалық болжамдардың өзгеруіне сезімталдығын төмендететіні атап өтілген.
Бұл ретте формулада республикалық бюджет туралы заңда белгіленетін ең төменгі зейнетақы мен ең төменгі жалақы әлі де ескеріледі. Алайда жаңа әдістеме зейнеткерлік жасқа жеткенге дейін қаражатты мерзімінен бұрын алып қойғаннан кейін болашақ зейнетақы жарналарын есепке алмайды. Бұл болашақта жеткіліксіз зейнетақы капиталын қалыптастыру тәуекелін төмендетуге бағытталған.
Зейнетақы жинақтарын баламалы мақсаттарға — тұрғын үй жағдайларын жақсарту мен емдеуге пайдаланудың қолданыстағы тетігі де сақталады. Зейнетақысы жоғалған табыстың кемінде 40% -ы болатын азаматтар жинақтың 50% — на дейін ала алады. Қаражатты толық пайдалану зейнетақы аннуитеті шартын жасасқан адамдарға және мемлекеттік бюджет есебінен төлемдер алатын еңбек сіңірген зейнеткерлерге де қолжетімді.
БЖЗҚ деректері бойынша ең төменгі жеткіліктілік шегі салымшының жасына байланысты 79% және одан да көп ұлғайтылды. Ең үлкен өсім зейнеткерлік жасқа дейінгі азаматтарда тіркелді, олар үшін екі еседен астам өсті.
Қор бұл зейнетақы шоттарындағы қаражатты сақтауға және оларды одан әрі инвестициялауды қамтамасыз етуге мүмкіндік беретінін, бұл болашақ зейнетақы төлемдерінің ұлғаюына әкелетінін түсіндіреді.
Бұрынғы әдістеме бойынша олар орташа жалақының шамамен 15%-ы еді, ал жаңа әдістеме бойынша шамамен 40%-ы.Осылайша, жаңа әдістеме жүйенің ашықтығы мен болжамдылығын арттыруға және халықаралық стандарттарға сәйкес зейнетақы төлемдерінің тұрақты деңгейін қамтамасыз етуге бағытталған.
