Қорғаныс министрлігі «Қазақстан Республикасы Қарулы күштерінің қызметтік тұрғынжайға мұқтаж азаматтық персонал адамдарын (қызметкерлерін) есепке қою» мемлекеттік қызметін көрсету қағидаларын бекіту туралы» қорғаныс ведомствосы басшысы бұйрығының жобасын әзірледі.
Нормативтік құқықтық актінің жобасы «Мемлекеттік көрсетілетін қызметтер туралы» ҚР Заңы 10-бабының 1) тармақшасына сәйкес дайындалды.
Құжатты қабылдау мемлекеттік қызмет көрсету мерзімін қысқартуға, сыбайлас жемқорлық тәуекелдерін болдырмауға және аудандық пайдалану бөліміне бару қажеттілігінен босатуға мүмкіндік береді.
Мемлекеттік қызметті цифрлық форматқа көшіру өтініш берушіге қарауға берілген құжаттардың қозғалысы мен мәртебесін бақылауға мүмкіндік береді.
Мемлекеттік қызмет көрсету мерзімі 15 жұмыс күнін құрайды.
Бұйрық жобасының толық мәтінімен «Электрондық үкімет» порталында «Ашық НҚА» бөлімінде ағымдағы жылдың 3 мамырына дейін мына сілтеме бойынша танысуға болады.
