Туризм және спорт министрлігі атынан Алматы–Бішкек тас жолында орын алған жол-көлік оқиғасы салдарынан қаза болған отандық спортшылардың отбасыларына қайғыра көңіл айтамыз.
Спортшыларымыз Қырғыз Республикасындағы жарыстан елге қайтып келе жатқан жолда жол-көлік оқиғасына ұшырап, бес спортшымыз көз жұмды. Бұл – спорт қауымдастығы үшін орны толмас ауыр қайғы.
Марқұм болған спортшылардың отбасыларына, туған-туыстары мен жақындарына қайғыларына ортақтаса отырып, көңіл айтамыз. Жандары жәннатта, жатқан жерлері жайлы болсын.
Туризм және спорт министрлігі
