2021 жылдың 15 қараша күні Астана телеканалының «Айтарым бар» ток-шоуында «WorldSkills Kazakhstan-2018» Республикалық чемпионатының жүлдегері «№9 Меркі колледжі» түлегі Мәркім Олжас қатысты. Мәркім Олжас «Жеңіл автокөліктерді жөндеу және қызмет көрсету» құзыреттілігі бойынша өзінің жеке кәсібін ашып, қазіргі таңда «Олжас» жеке кәсіпкерлігінің иесі атанып отыр.
Бағдарлама барысында жас кәсіпкер өзінің бизнеске келу жолын, жеке кәсіпті ашудың қыр-сырымен бөлісті.
Бағдарламадағы сұқбатында Олжас өзінің таңдаған мамандығымен ойын бөлісті. «Бизнес-Бастау» жобасы бойынша 505 мың теңгелік қайтарымсыз гранттан алып, кәсіпкерлігін дамыту мақсатында шағын несиемен техникалық жөндеу орталығын ашып, кәсібін бастаған. Алдағы уақытта «Жеңіл автокөліктерді жөндеу және қызмет көрсету» бойынша қызығушылығы бар жастарды өзінің игерген мамандығына баулымақ .
Қазіргі таңда өз кәсібін жасап отырған, жас, талапты, табысты маман. Оның ашқан кәсібі аудан орталығында үлкен сұранысқа ие.
