Жамбыл облысының қылмыстық істер жөніндегі мамандандырылған ауданаралық сотымен Қылмыстық кодекстің (әрі қарай ҚК) 99-бабы 1-бөлігі бойынша айыпталушы К.Б.-ға қатысты қылмыстық іс қаралды.
Сотпен не анықталды:
Басты сот талқылауы барысында және жүргізілген талдау нәтижесінде сотталушы К.Б. әпкесі К.М. және оның балаларымен бірге тұрғаны анықталды. Ұзақ уақыт бойы олардын арасында тұрғын-үй мәселесіне байланысты жағымсыз қатынастар болған. Өйткені К.М. ата-анасының үйін сатып, өзіне баспана сатып алған. Онда інісі К.Б.-ға да тұруға рұқсат берген. Оқиға болған күні К.М. інісіне шағымданып, жалқаулықты тоқтатуды және жұмыс істеуін талап еткен. Нәтижесінде олардың арасындағы жанжал төбелеске ұласқан. К.Б. басқа адамға қатысты заңсыз қасақана өлтіру туралы тікелей қылмыстық ниетпен үстелдің үстінен пышақ алып, К.М. денесінің әртүрлі бөліктеріне бірнеше рет пышақ жарақатын салған. Содан кейін К.Б. мұнымен тоқтап қалмай, өзінің белсендi қылмыстық әрекеттерін, атап айтқанда адамды өлтіру әрекетін жалғастыра отырып, ол үстел үстінен екінші пышақты алып, К.М. денесінің аймағына бірнеше рет пышақ жарақатын салған. Қылмыстық ойының жүзеге асқанына көз жеткізе отырып, бірақ апкесінің өлмегендігін көріп, ағаштан жасалған кесу тақтасын алып, басынан соққылар жасаған. Содан кейін, сонғының өлгендігін түсініп, біраз уақыттан кейін полиция мен жедел медициналық көмек шакырып, болған жағдай туралы хабарлаған.
Тараптардың позициясы:
Прокурор кылмыстардың жиынтығы бойынша К.Б.-ға 10 жыл бас бостандығынан айыру түріндегі түпкілікті жаза тағайындауды сұрады. Сот отырысында сотталушы К.Б. ҚК-нің 99-бабы 1-бөлігі бойынша өзіне тағылған айыпты толык мойындады.
Дәлелдемелер бойынша:
Кінә іс бойынша жиналған дәлелдемелермен: куәгерлердің айғақтарымен, заттай дәлелдемелермен, оқиға болған жерді тексеру хаттамаларымен, айғақтарды нақтылау және тексерулермен, сараптамалардың қорытындыларымен, сондай-ак кылмыстық істің өзге де материалдарымен дәлелденді.
Сот шешімі:
Сот қылмыстық жауаптылық пен жазаны жеңілдететін мән-жайларға соттылығының болмауын және кінәсін мойындауын жатқызған. Ауырлататын мән-жайлар сотпен анықталған жок. Сот үкімімен кылмыстардын жиынтығы бойынша КК-нің 99-бабы 1-бөлігі бойынша К.Б.-ға орташа қауіпсіздік қылмыстық-атқару жүйесі мекемесінде жазасын өтей отырып, 11 жылға бас бостандығынан айыру жазасы тағайындалды.
Үкім занды қүшіне енген жоқ.
Кайнар: Жамбыл қылмыстық істер жөніндегі мамандандырылған
ауданаралық сотынын баспасөз қызметі