Тараз қаласында орналасқан «Азаматтарға арналған үкімет» КЕАҚ инспекторы Н. есімді азамат көп балалы ата-аналардан, асырауында мүгедек баласы бар әкеден, сондай-ақ таныстарынан «мемлекеттік бағдарламамен пәтер алып берем» деген уәдемен бірнеше адамнан ақша алып алаяқтық жасаған. Жәбірленушілерге келтірілген шығын соммасы 5 миллион теңге. Сот үкімі бойынша Қазақстан Республикасының Қылмыстық кодексінің 190-бабының 2-бөлігі 2-тармағымен кінәлі деп танылып, оған 2 (екі) жыл бас бостандығынан айыру жазасы тағайындалды. Сотталған Н. есім азамат жазасының өтеуі қылмыстық-атқару жүйесінің барынша төмен мекемелерінде белгіленді. Сотталушыға қатысты қолданылған «күзетпен ұстау» түріндегі бұлтартпау шарасы үкім заңды күшіне енгенге дейін өзгертусіз қалдырылған. Сотталғанның жаза өтеу мерзімі 23.04.2019 жылдан бастап есептелсін делінген.
Айта кетерлігі, «Азаматтарға арналған үкімет» КЕАҚ Жамбыл облысы филиланың директоры 65 жастағы Қыстаубай Сағынтаев басқаруда, ал туған інісі Бақытжан Әбдірұлы экс-премьер, қазір Алматы қаласының әкімі.
