Тіпті, Жамбыл облысының зиялы қауымында жұмылдырып, той мәдениетін қалыптастыру жөнінде мемлекет басындағы шенділерге ұсыныс тастады. Осы бастамамен бұл мәселе Бұрабайда өткен Ұлттық Құрылтайда айтылды.
Дегенмен Руханият орталығының қызметкерлері Жамбыл облысында той мәдениетін сақтау, асабаларды тәртіпке шақыру, той әдебін қалыптастыру, астатөк, дарақылық пен ысырапшылдыққа жол бермеу мақсатында халық ішінде өз жұмыстарын жалғастыруда.
Иә, той мәдениетін жаңғырту – ортақ міндет. Облысымызда той мәдениеті мен әдебін сақтау үшін орталықтың қызметкерлері аудандарда да өз жұмыстарын бастап кетті.
Шерхан Мұртаза атындағы руханият және тарихтану орталығының директоры Жасұлан Әбдіманап пен облыстық «Асабалар алаңы» қоғамының төрағасы Ринат Нұрақбаев Шу, Меркі және Т.Рысқұлов аудандарындағы іс-сапар барысында жергілікті ардагерлер кеңесімен, аудан әкімдерінің орынбасарларымен және сол аймақтағы той жүргізуші асаба-өнерпаздармен кездесті.
Аудандардағы кездесуде кейінгі кездері қазақтойларында және ұлттық құндылықтардың құрдымға кетіп бара жатқандығы және де той жүргізуші асабалар мен қатысушылар арасында кісілік әдеб сақталмай, керсінше бейәдеп әрекеттерге жол беріліп, мәдениеттен алшақтап бара жатқандығы сөз болды. Ортақ мүдде қазақ ұлтық тойының мәдениетін қалыптастыру, той әдебін сақтау.
«Қазіргі таңда жыл басынан бері көтеріліп келе жатқан той мәдениетіне қатысты бірқатар жұмыстар жүйеленуде. Руханият орталығының бастамасымен елімізде тұңғыш рет облыстық «Асабалар алаңы» қоғамы құрылды. Қазірдің өзінде бірнеше асаба осы қоғамға мүшелікке өтті. Сонымен қатар, руханият орталығының тарапынан«Той – тәрбие құралы» атты әдістемелік нұсқаулық әзірлеуде. Бұл құрал – той ұйымдастырушылар, тойхана иелері, асабалар мен өнерпаздар үшін ортақ бағыт-бағдар болады. Осы әдістемелік нұсқаулық арқылы біз той мәдениетін қалыптастырып, белгілі бір жүйеге келтіруге тырысамыз. Алда атқаратын жұмыстар әлі де көп. Сол себепті бүгін сіздермен кездесіп, ұсыныс-пікірлеріңізді білгіміз келеді», – деді Ш.Мұртаза атындағы руханият және тарихтану орталығының директоры Жасұлан Лесбекұлы Шу ауданындағы кездесуде.
Кездесуде сөз алған Шу ауданы әкімінің орынбасары Найман Кенжеханұлы облыстық Руханият орталығы көтеріп отырған мәселенің маңыздылығын атап өтіп, бұл бастаманың ұлттық мәдениетті дамытудағы өзекті қадам екенін айтты.
Сонымен қатар, жиын барысында ардагерлер мен асабалар да өз ұсыныстарын ортаға салып, той мәдениетін қалыптастырып, жүйелеу қажеттігін бірауыздан қолдайтындарын жеткізді.
Аудандық ардагерлер кеңесі, аудан әкімінің орынбасары, аудандық полиция бастығы, және де жергілікті асабалармен өткен Меркі ауданындағы кездесуде де той мәдениетінің мәселесі талқыланды.
«Қазақтың тойы – тек ойын-сауық емес, ұлттың руханияты мен тәрбиесінің көрінісі. Алайда кейбір асабалардың орынсыз әзілдері мен жеңіл-желпі жүргізу мәнері той мәдениетіне кері әсерін тигізуде. Осыған орай, руханият орталығы «Той – тәрбие құралы» атты әдістемелік нұсқаулық әзірлеп, мәдениетті той өткізуге бағытталған нақты қадамдарды қолға алуда», — деді Жасұлан Лесбекұлы.
Т.Рысқұлов ауданындағы жиында да бірқатар өзекті мәселелер айтылып, қазақ тойының ұлттық мәртебісін төмендетпей, мәдениет пен әдебін қалыптастыру жөнінде пікірлер алмасып, ұсыныстар айтылды.
«Қазіргі таңда қазақтар тек мешіт пен тойда ғана бас қосатын болды. Өкінішке қарай, тойлар өзінің мәртебесінен айырылып барады. Осы мәселені ескере отырып, руханият орталығы той мәдениетін сақтап, ұлттық құндылықтарымыз бен салт-дәстүрлеріміз жаңғырту, жастарға дәріптеу бағытында жұмыс жүргізуде. Сондай-ақ, той – тек сауық-сайран емес, ұлттың мәдениетін танытатын айрықша дәстүр. Оны заманға сай, бірақ ұлттық құндылықтарымызды жоғалтпай өткізу – баршаға ортақ міндет», — облыстық «Асабалар алаңы» қоғамының төрағасы Рина Нұрақбаев.
Аталған жиынға аудан әкімінің орынбасары Қайрат Исмайл, жергілікті асабалар және дін өкілдері, ардагерлер кеңесінің мүшелері қатысып,қазіргі той мәдениеті, оның ұлттық құндылықтарымызға сай өтуі және артық шығынсыз ұйымдастыру жолдары талқыланды.
Айта кетейік, жыл басынан бері Руханият орталығы той мәдениетін дамытуға бағытталған бірқатар жобаларды қолға алып, күн тәртібінде тұрған маңызды мәселелер бойынша жүйелі жұмыс жүргізіп келеді.
Мадияр Ералыұлы
