Мерекелік бағдарлама барысында театрдың ардагерлері мен әртістері қызыл кілеммен жүріп өтіп, көрерменге театрландырылған көріністер ұсынып, өз өнерлерін паш етті. Шара барысында театр тарихы мен шығармашылық ұжымның қалыптасу жолы да кеңінен көрініс тапты.
Жамбыл облысы әкімдігінің мәдениет және тілдерді дамыту басқармасының басшысы Ерлан Жүнісбай театр ұжымына ақжарма тілегін білдіріп, шығармашылық табыс тілей отырып, жаңа маусымның ашылуымен құттықтады.
Жаңа маусымның ашылуына орай театр сахнасында Рахымжан Отарбаевтың «Сұлтан Бейбарыс» қойылымы көрермен назарына ұсынылды. Қойылымның қоюшы режиссері – Гауһар Адай, қоюшы суретшісі – Гүлдана Алина.
Алдағы уақытта театр ұжымы көрермендерге жаңа премьералар мен таңдаулы қойылымдарын ұсынып, сахна өнерінің үздік туындыларымен қуантуды жоспарлап отыр.
