Бұл туралы ведомствоның баспасөз қызметі хабарлады.
«Ұлттық қауіпсіздік комитеті шет мемлекеттердің құзыретті органдарымен өзара іс-қимыл жасай отырып, іздеуде жүрген ҚР азаматтарын елге қайтару бойынша операция жүргізді. Осылайша, ағымдағы жылдың 7 және 12 мамырында террористік қылмыстар жасады деген күдікке ілінген республикамыздың төрт азаматы ҰҚК арнайы жасағының айдауымен шет елдерден Отанына жеткізілді», — делінген сәрсенбі күнгі хабарламада.
Комитет мәліметінше, аталған тұлғалар ұзақ уақыт бойы елден тыс жерде жүрген және ҰҚК-нің бағдарламалары бойынша ұсталған. Қазіргі уақытта оларға қатысты қылмыстық істер аясында тергеу амалдары жүргізілуде.
ҚР Қылмыстық-процестік кодексінің 201-бабы 1-бөлігіне сәйкес, өзге ақпарат жария етуге жатпайды.
