Тараз қаласы № 2 сотында судья А.Е.Ділдабаевтың төрағалық етуімен ҚР ҚК-нің 346-бабының 1-бөлігімен / көлік құралдарын басқару құқығынан айырылған, алкогольдік, есірткілік және (немесе)уытқұмарлық масаң күйдегі адамның көлік құралын басқаруы, сол сияқты көлік құралын осындай адамның басқаруына беру немесе көлік құралын осындай адамның басқаруына жол беру/ айыпталып сотқа берілген Б-ға қатысты қылмыстық ісі қаралды.
Сотталушы Б. көлік құралдарын басқару құқығынан айырылған адам бола тұра, 07.03.2017 жылы сағат 00.10 шамасында орта дәрежедегі алкогольдік масаң күйде автокөлігін Тараз қаласы, Пушкин көшесі бойымен Төле би көшесі бағытына қарай басқарып бара жатып, «Оңтүстік» өңірлік әскери бөлімінің маңында, полиция қызметкерлерімен тоқтатылып ұсталған.
Автокөлік жүргізушісі Б-ға қатысты жүргізілген мас болу жағдайы фактісін анықтауға арналған медициналық куәландірудің 07.03.2017 жылғы № 1434 санды Жамбыл облыстық наркологиялық диспансерінің қорытындысына сәйкес ол «орта» дәрежедегі алкогольдік масаң күйде болғаны анықталды.
Тараз қаласы № 2 сотының 24.04.2017 жылғы үкімімен қылмыстық теріс қылық жасағаны үшін Б. ҚР ҚК-нің 346-бабының 1-бөлігімен кінәлі деп танылып, оған 3 (үш) жыл мерзімге көлік құралын басқару құқығынан айырып, жиырма бес айлық есептік көрсеткіш көлемінде, яғни 56 725 (елу алты мың жеті жүз жиырма бес) теңге мөлшерде айыпұл салу түріндегі жаза тағайындалды.
Үкім заңды күшіне 11.05.2017 жылы енген.
TURANINFO.KZ
