Іс-шара «Адал азамат» біртұтас тәрбие бағдарламасы аясында және «Қыз Жібек» қыздар ұйымының жылдық жоспарына сәйкес өткізілді. Байқаудың негізгі мақсаты – қыз балалардың көркемдік талғамын қалыптастыру, ұлттық салт-дәстүрлерді дәріптеу және әдептілік пен инабаттылыққа тәрбиелеу.
Мерекелік шараны мектеп директоры Зәуре Мырзахат ашып, қатысушыларды көктем мерекесімен құттықтады. Ол өз сөзінде қыз балалардың білім мен тәрбиені қатар алып жүруінің маңыздылығын атап өтті.
Байқау бірнеше кезеңнен тұрды.
«Таныстыру» кезеңінде қатысушылар өздерін таныстырса, «Қыз еркем – қылығымен көркем» бөлімінде өнерлерін көрсетіп, ән айтып, би биледі. «Сұлулық сыры» кезеңінде ұлттық нақыштағы киім үлгілерін таныстырса, «Ақылына көркі сай» бөлімінде сұрақтарға жауап беріп, білімдері мен ой-өрістерін көрсетті.
Байқау барысында ана мен қыздың бірлескен өнер көрсетуі көрермендерге ерекше әсер қалдырды. Бұл көріністер арқылы отбасы құндылықтары мен ұлттық тәрбие кеңінен насихатталды.
Сайысқа мектептің 9–10 сынып оқушылары қатысып, түрлі номинациялар бойынша марапатталды.
Байқау жеңімпаздары
-
Бас жүлде – «Мектеп аруы – 2026» – Смағи Мөлдір (9 «Ә» сыныбы)
-
«Талғампаз ару» – Алимбаева Әдемі (10 «А»)
-
«Сахна жұлдызы» – Мағауия Аяулым (10 «Ә»)
-
«Сымбатты ару» – Әйгерім Абайқызы (9 «Б»)
-
«Сәнді ару» – Аружан Нұркенқызы (9 «В»)
-
«Көрермен көзайымы» – Мэлс Нұрсұлу (9 «А»)
-
«Парасатты ару» – Корнева Арина (9 «Д»)
-
«Зерделі ару» – Геревенко Настя (10 «Г»)
-
«Өнерлі ару» – Ұлдана Айдосқызы (9 «Г»)
Ұйымдастырушылардың айтуынша, мұндай тәрбиелік мәні зор іс-шаралар оқушылардың шығармашылық қабілеттерін дамытуға, ұлттық мәдениет пен адамгершілік құндылықтарын дәріптеуге мүмкіндік береді.
