2021 жылғы 27 қарашада Тараз қаласының Dostyk Lifе спорт кешенінде Қазақстан Республикасының Тұңғыш Президенті күніне орай, сондай-ақ салауатты өмір салтын насихаттау және халықты дене шынықтырумен және спортпен жүйелі түрде айналысуға тарту мақсатында қала әкімінің командалары мен облыс орталығының жастары арасында шағын-футболдан матчтық кездесу өтті. Тараз қаласының әкімі Ержан Жұматұлы Жылқыбаев жастардың кезекті кездесуін бейресми жағдайда өткізу және шағын футбол алаңында кездесу бастамасын қолдады.
Қала әкімінің командасы құрамында аппарат және ведомстволық бағынысты бөлімдердің басшылары мен қызметкерлері ойнады. Жастар командасы облыстық мәслихат депутатынан, Jas Otan партиясы жастар қанатынан, жастар ресурстық орталығынан, белгілі блогерлер мен облыс орталығының белсенділерінен құрылған. Ұлт денсаулығы және бұқаралық спортты дамыту мемлекеттік саясаттың маңызды басымдықтарының бірі болып табылады. Бүгінде Тараз қаласында салауатты өмір салтын насихаттау, қала тұрғындары үшін спорт ғимараттарының қолжетімді болуын қамтамасыз ету бойынша мақсатты жұмыстар жүргізілуде, барлық жастағы және санаттағы азаматтар арасында спорттың сан алуан түрлері бойынша салалық спартакиадалар мен жарыстар жүйелі түрде ұйымдастырылуда.
Облыс орталығында 630 спорт нысаны жұмыс істейді, оның 491 мемлекеттік, 139 жеке меншік, 342 білім беру мекемелерінде орналасқан, бұл спорт нысандарының жалпы санының 54,3% құрайды. Жазғы кезеңде Таразға тарту жобасын іске асыру аясында 14 СтритВоркаут алаңы, сондай-ақ баскетбол және шағын футбол алаңдары салынды. Қазіргі уақытта Тараз қаласында тегін және уақыт шектеусіз 45 СтритВоркаут алаңы жұмыс істейді.
2021 жылы 52,0 млн. теңгеге Тастақ Кирпичник алқаптары, Жауғаш батыр көшесіндегі, Қарасу (5), Алатау (8), Мыңбұлақ (9), Астана (12) шағын аудандарындағы 7 спорт алаңшаларына ағымдағы жөндеу жұмыстары жүргізілді.
Сонымен қатар, қалалық бюджет қаражаты есебінен Родничок Камукат, Жігер/Рассвет алқаптарында және Мамыр тоғайында 4 шағын-футбол алаңшалары салынды, Аса (10) шағын аудандарында
№29 үйдің ауласында, Жансая 11) №26 үйдің жанында шағын- футбол алаңдарына ағымдағы жөндеу жүргізілуде. Бином ЖШС қаражаты есебінен Талас шағын ауданында (6) №5 үйдің ауласында спорт алаңының құрылысы басталды.
2021 жылғы 8 қазанда Самұрық-Қазына ұлттық әл-ауқат қоры АҚ – ның Samruk-Kazyna Trust корпоративтік қорының демеушілік қаражаты есебінен Арай-2 шағын ауданындағы №1,2 үйлердің ауласындағы көлемі 73х24 метр заманауи кешенді алаңның құрылысы аяқталды.
11 қазанда Тараз Строй 2004 ЖШС жеке инвесторы Жүнісов Мейірбек Амансариұлының 1,5 млрд.теңге сомасына салынған жалпы ауданы 11 952 шаршы метр болатын үстел теннисі және көркем гимнастика заманауи орталығының салтанатты ашылуы өтті. 2021 жылдың 10 айында Тараз қаласында азаматтарды спортпен жүйелі шұғылданумен қамту облыс орталығы тұрғындарының жалпы санының 34,2% немесе 125603 адамды құрады, оның ішінде:
— мектеп жасындағы балалар – 50,9%;
— жастар – 68,3%,
— мүмкіндігі шектеулі азаматтар – 13%.
Айта кету керек, мұндай іс-шаралар қала әкімдігі мен жастар қауымдастығы арасындағы өзара іс-қимылды нығайтуға, достық байланыстарды нығайтуға ықпал етеді. Матчтық кездесу Тараз қаласы әкімінің командасы пайдасына 7:6 есебімен аяқталды.
