— Жаяу жүргіншілердің өлімінің немесе жарақаттануының ең көп тараған себебі — жолды кез келген жерден кесiп өту әдеті. Негізінен балалы аналар мен жасөспірімдер жолда жүру ережесiн бұзатыны анықталып отыр. Балалар әрқашан ересектерге, ең алдымен ата-анасына еліктейтінін ұмытпауымыз керек. Сондықтан үлкендер қай жерде де тәртiп пен жауапкершiлiктiң үлгiсiн көрсете бiлуi қажет, — деді Жамбыл облысы ПД ЖПҚБ бастығының мiндетiн атқарушы Серік Алдыбеков.
Жауапкершiлiкке тартылған азаматтар жолды кесiп өту себебiн әр қалай түсiндiрдi. Бiрi асықтым десе, кейбіреулері жақын арадағы жаяу жүргіншілер өткеліне баруға ерiнгенiн айтты. Ал ендi бiрi көлiк жүргізушілерiнiң өткiзiп жiберетiнiне сенiмдi болдым деп жауап бердi.
Көбінесе мұндай жаяу жүргіншілер өз әрекеттерінің қауіптілігін түсінеді және соған қарамастан осындай қадамдар жасайды. Бұл өз кезегiнде адамның жеке басы үшін ғана емес, айналасындағылардың өмірі үшін де жауапкершілігінің төмендігін көрсетеді
