1965 жылы туған азаматтың мәйітін туыстары Тараз қаласындағы жеке үйдің қонақ бөлмесіндегі диван үстінен тапты. 2020 жылғы 26 қараша күні сағат 12.20-да Жамбыл облысы ТЖ департаментінің кезекші қызметіне хабарлама түсті. Оқиға орнына ТЖД-нің 2 қызметкері, сондай-ақ полиция департаменті мен «ҚазТрансГаз Аймақ» АҚ өкілдері шықты. Ер адамның өлімінің алдын-ала себебі пешті пайдалану ережелерін бұзу салдарынан табиғи газбен улану болды (желдету камерасы мен тартқыштың болмауы). Қажетті сарапатамалар тағайындалды.
Атап өту қажет, ағымдағы жыл басынан облыс аумағында 21 улы газбен улану оқиғасы орын алды, 25 адам уланды, оның 7 қаза болды. Құрметті азаматтар! Ықтимал қайғылы салдардың алдын алу үшін сақ болыңыздар және қауіпсіздік шараларын қатаң сақтаңыздар!
Жамбыл облысы ТЖдепартаменті