Тараздағы сауда үйіне келушінің сөмкесінен екі қыз ақша ұрлады, деп хабарлайды Polisia.kz.
Таразда 19 жастағы екі қыз ұсталды, олар қала тұрғынының сөмкесінен 262 мың теңге ұрлаған. Оқиға Тараздағы сауда үйлерінің бірінде болған.
ҚР ҚК 188-бабы 2-бөлігі «Ұрлық» бойынша сотқа дейінгі тергеу амалдары басталды. Ұсталғандар кінәсін мойындады. Қыздар бес жылға дейінгі мерзімге бас бостандығынан айырылуы мүмкін.
Жамбыл облысының Полиция департаменті тұрғындарға сақ болыңыздар және қауіпсіздік ережелерін сақтаңыздар, сөмкелеріңіздің жабықтығына көз жеткізіңіздер, адамдар көп жиналатын жерде оны қолыңызда ұстаңыздар деп мұқият болу қажеттігін ескертеді. Жеке мүлкіңізді сақтау үшін барлық қажетті шараларды қолданыңыз!
