Парламент Мәжілісінің депутаты Гүлдара Нұрымова науқастарды қанмен және оның компоненттерімен қамтамасыз ету, сондай-ақ медициналық авиациямен қамтамасыз етумен байланысты жыл сайын қайталанатын проблема туралы мәселелер көтерді.
- Бүгінгі күні республикада мемлекеттік немесе жеке клиникаларда ақылы негізде ем қабылдап жүрген науқастар үшін шұғыл жағдайлар туындаған кезде, қан жоғалту кезінде қан орталықтары қан мен оның компоненттерін сатады. Мәртебесіне қарамастан, барлық мұқтаж пациенттерге қан мен оның компоненттерін кепілдендірілген негізде тегін құю туралы мәселені шешу қажет деп санаймын.
Қан орталығының жауабында тегін медициналық көмектің кепілдік берілген көлемі (бұдан әрі – ТМККК) шеңберінде медициналық көмек көрсететін медициналық емдеу мекемелерді, донорлық қанның компоненттерімен және препараттарымен қамтамасыз етеді.»Әлеуметтік медициналық сақтандыру қорымен» (бұдан әрі-ӘМСҚ) жасалған ТМККК шеңберінде қызметтерді сатып алу шартының негізінде, қан орталығы ТМККК шеңберінде медициналық қызметтер көрсетеді, ал ӘМСҚ жоғарыда аталған шарт шеңберінде көрсетілген қызметтер үшін ақы төлеуді жүзеге асырады.ТМККК «Халық денсаулығы және денсаулық сақтау жүйесі туралы Кодекстің» 34-бабының 1-тармағы негізінде Қазақстан Республикасының Үкіметі бекіткен, тегін медициналық көмектің кепілдік берілген көлемінің тізбесіне сәйкес, Қазақстан Республикасының азаматтарына, Қазақстан Республикасының аумағында тұрақты тұратын шетелдіктер мен азаматтығы жоқ адамдарға көрсетіледі. Осыған байланысты, науқас ТМККК шеңберінде медициналық көмек алса, онда бюджет есебінен қан компоненттерімен және препараттарымен қамтамасыз етіледі. егер науқас медициналық емдеу мекемесінде ақылы негізде (ТМККК тыс) емделуде болса, онда медициналық мекеме қан компоненттерін өз қаражаты есебінен немесе шарт негізінде науқастың қаражаты есебінен сатып алады, бұл ретте қан компоненттері жеке тұлғаларға берілмейді.
Прайс листен байқалған ең арзан қан бір дозасы 35 734 теңге тұрса, ең қымбаты 162 226 теңгені құрайды. Бірақ дозасында қанша масса бар екендігі көрсетілмеген. “Қан орталығы” қызметкері жауап беруден бас тартты.
Тараз қаласындағы донор Еркін Қайырбекұлы айтуынша 2019 жылдың қараша немесе желтоқсан айынан бастап қазіргі күнге дейін 6-8 рет қан тапсырды. Сондай-ақ ерікті түрде волонтерлар арасынан бірнеше рет акция ұйымдастырып, ерікті донорлармен біріге қан тапсырдық. Біздің қан мұқтаж адамға тегін түрде қажетіне пайдаланады деген ниетпен тапсырдық. Енді оны сатылады дегені не масқара. Мен жалпы өзімнің қанымды сатуға емес мұқтаж адамның еміне жарасын деп өткізгенін және қанды сатпауын талап етемін. Осы мәселенің шешіміне жауап берсеңіз дұрыс болар еді.
Донор Әділет Жатқанбайдың пікіріңше қазіргі таңда әлеуметтік желіде, БАҚ да, қан орталықтарының донорлардың тегін тапсырған қандарын, орталық мұқтаж болған адамдарға сатып жатқандағы қызу талқыланып, қоғамның ашуын туғызуда. Өзім тұрақты қан өткізуші болғандықтан міндеттелген немесе міндеттелмеген болсада мұқтаж болған адамдарға көмек үшін тапсырған қанымды сатып жатқандарына қарсымын. Бұның алдын алу керек деп айтты.
TURANINFO.KZ
