Тараз химия және технология колледжінде кездесу өткізілді

Тәуелсіздігімізді алғаннан кейін асыл дінімізге қол жеткізіп, рухани болмысымызды байытып,туралыққа жол салып жатқанда,шырмауықтай шырмалып жат ағымдарда ел аумағына еніп, кеңінен жайылып кетті. Қазіргі кезде біздің қоғамда асыл дінімізді, исламды, жамылып пайда болған теріс ағымдар санының көбеюі өзекті мәселеге айналып отыр. Бұл құбылыс қоғамда адамдардың діни сауатының жоқтығынан немесе сауатының аздығынан туындап отыр. Осы мәселенің алдын алу, күресу, мақсатында Жамбыл облысы Тараз қаласының Тараз химия және технология колледжінде Тараз қаласы әкімдігінің ішкі саясат бөлімінің «Радикалды діни ағымдарға қасы имунитет қалыптастыру,халықтың діни сауаттылық деңгейін арттыру,жас ұрпақ арасында дәстүрлі рухани адамгершілік құндылықтарды насихаттау» атты әлеуметтік жобаны іске асыру бойынша «Жамбыл облысы Жастар мәслихаты» жастар қоғамдық бірлестігі «Діни экстремизм мен терроризмге қарсы иммунитетті нығайту» тақырыбында кездесу өткізді. Кездесуге тақырыпты ашу мақсатында облыстық Дін істері басқармасының «Оңалту орталығының инспекторы, дінтанушы Құлназаров Байлыхан, «Жамбыл облысы Жастар мәслихаты» жастар қоғамдық бірлестігінің атқарушы директоры Дүйсетов Жандос және т.б. қатысты.
Кездесу барысында жастар арасында дінге қатысты маңызды мәселелер айтылып,дәстүрлі діндер бойынша нақты ақпарат берілді. Қазақстан мұсылмандар діни басқармасының имамдарының ғана уағыздарын тыңдауға, оқуға кеңес беріліп, Қазақстан республикасы аумағында рұқсат етілген және рұқсат етілмеген діни сайттар айтылды. Дәстүрлі діни құндылықтар тақырыбын ашып түсіндіріп, дәстүрлі наным-сенімдердің шығу тарихы айтылды. Радикалды діни ағымдардың қоғамға әкелер зардаптары, терроризмсіз, зорлық-зомбылықсыз бейбіт әлем туралы,тәуелсіз Қазақстанның бейбіт болашағы біз үшін және келер ұрпаққа қаншалықты маңызды екендігі түсіндірілді.