«Тараз» Гвинея құрамасының ойыншысын 24 жасар футболист Мохаммед Ламине Диаррды қатарларына қосты – деп хабарлайды Turaninfo.kz ақпараттық агенттігі Vesti.kz сайтына сілтеме жасай отырып.
Футболшы атақты ПСЖ футбол мектебінің түлегі. Өзінің спорттық мансабының бәрін Дания чемпионатында өткізген. Аталған елдің «Нюкёбинг» және «Оденсе» клубтарының намысын қорғаған.
Естеріңізге салсақ, Мохаммед Диарра алғашында «Алтай» клубымен келісім шарт жасасқан. Кейін шығыстық команданың Қазақстан премьер лигасында ойнамайтыны белгілі болған соң басқа клуб іздестіруге кіріскен. Тіпті, «Қайсар» клубында да болып үлгерген. Алайда, қызылордалықтар команда құрамында жаңа ойыншылардың шамадан тыс көп болуына орай, М.Диаррмен келісім-шарт жасаспаған.
Одан бөлек, алдағы уақытта «Тараз» құрамасына 23 жасар украиндік шабуылдаушы Николай Агаповтың да өтуі мүмкін. Сондай-ақ, тараздықтар тағы бір украиналық форвард Максим Фещукті де қарауда.
Фотода: Мохаммед Ламине Диарр
