Тараз қаласы мен Жуалы ауданының прокуратурасы кәмелетке толмағандарды заңсыз әкімшілік жауапкершілікке тарту фактілерін анықтады.
Осылайша, уәкілетті орган Әкімшілік құқық бұзушылық туралы кодекстің (бұдан әрі – ӘҚБтК) талаптарын бұза отырып, жол ережесін сақтамаған 16-17 жас аралығындағы 124 кәмелетке толмағандарға қатысты ӘҚБтК-тің 615-бабының 1-бөлігімен әкімшілік істерді қозғау кезінде ресми қорғаушылардың қатысуын қамтамасыз етпеген.
Кәмелетке толмағандар екі айлық есептік көрсеткіш мөлшерінде айыппұл түріндегі әкімшілік жауаптылыққа тартылған.
Прокурорлардың наразылығы бойынша соттармен ішкі істер органдарының жоғарыда аталған қаулыларының күші жойылып, кәмелетке толмағандардың құқықтары қорғалды.
Сондай-ақ қадағалау актілері бойынша екі лауазымды тұлға тәртіптік жауапкершілікке тартылды.
Қазіргі уақытта өндірілген айыппұлдарды қайтару мәселесі қарастырылуда.
Жамбыл облысының прокуратурасы
